یاریگا –
یانەی ریال مەدریدی ئیسپانی لە بەیاننامەیەكی فەرمیدا پێكانی جود بێڵینگهام ئەستێرەی یەكەمی یانەكەی پێش یارییەكەیان بەرامبەر ڤالێنسیا راگەیاند.
وا بڕیارە ئەمڕۆ شەممە كاتژمێر 23:00 بە كاتی كوردستان ریال مەدرید لە یاریگای سانتیاگۆ بێرنابیۆی تایبەت بە خۆی میوانداری ڤالێنسیا بكات، لە میانی یارییەكانی گەڕی سیانزەیەمی لالیگای ئیسپانیا.
Parte médico de Bellingham.#RealMadrid
— Real Madrid C.F. (@realmadrid) November 11, 2023
كەمێك پێش ئێستا ریال مەدرید لە بەیاننامەیەكی فەرمیدا رایگەیاند:
دوای ئەو پشكنینانەی ئەمڕۆ بۆ یاریزانی یانەكەمان جود بێڵینگهام كرا، تووشی پێكان بووە لە شانی چەپیدا، لە یارییەكەی ئەمڕۆ بەرامبەر ڤالێنسیا بەشداری ناكات.
تۆڕی زە ئاتلێتیك ئاشكرایكرد بەهۆی پێكانەكەیەوە جود بێڵینگهام بۆ ماوەی دوو هەفتە لە یاریگاكان دووردەكەوێتەوە.
رۆژنامەی ئاس ئاشكرایكرد لە جێگای جود بێڵینگهام لە یارییەكەی بەرامبەر ڤالێنسیا براهیم دیاز لە پێكهاتەی سەرەكیدا دەبێت.
ریال مەدرید بە كۆكردنەوەی 29 خاڵ لە ریزبەندی دووەمی خولی ئیسپانیا دێت و ڤالێنسیاش بە كۆكردنەوەی 18 خاڵ لە پلەی هەشتەم دێت.
