یاریگا-
چیرۆکی پەیوەندی کردنی کلیان ئێمباپێی گۆڵکاری فەرەنسی یانەی پاریس سانجێرمان، بە یانەی ریاڵ مەدرید نزیکە لە کۆتایی هاتن بەبێ بەیەک گەشتنیان.
کلیان ئێمباپێ لەم ساڵانە دواییە بەردەوام یەکێک لە ئامانجەکانی یانەی ریال مەدریدی ئیسپانیا بووە، بەڵام ئەو یانەیە هەرگیز نەیتوانی ئەو یاریزانە بۆ ریزەکانی بگوازێتەوە.
ئێمباپێ هاوینی رابردوو دوای کۆتایی هاتنی گرێبەستەکەی لەگەڵ یانە شاهانەکە، زۆر نزیکبوو لە پەیوەندی کردن بە مێرنگی، یانە ئیسپانیەکە ئۆفەرێکی خەیاڵیشی پێشکەش کرد، بەڵام یاریزانە دوای فشارێکی زۆری نێوخۆیی و دەرەکی، دواجار بڕیاریدا گرێبەستەکەی لەگەڵ یانەکەی نوێ بکاتەوە.
هاوینی رابردوو ئێمباپێ جارێکی دیکە بۆمبێکی نوێی تەقاندەوە و رایگەیاند ئامادەنیە گرێبەستەکەی نوێ بکاتەوە و لە ساڵی 2024 یانەکەی جێدێڵێت، هەموو ئاماژەکانیش بەرەو ریال مەدریدن و دەنگۆیەکیش بڵاوبووەتەوە ئەو یانەیە لەگەڵ گەیشتووەتە رێکەوتن، هەرچەندە یانە ئیسپانیەکە لە بەیاننامەیەکی فەرمی ئەو دەنگۆیانەیان رەتکردەوە.
هەژمارەی فەرمی کادینا سیر لە تۆڕی کۆمەڵایەتی X بڵاویکردەوە، کارگێری ریال مەدرید کۆتایی بە هەوڵەکانی بۆ گواستنەوەی کلیان ئێمباپێ، گۆڵکاری فەرەنسی یانەی پاریس سانجێرمان دێنێت.
🚨‼️ ÚLTIMA HORA | El REAL MADRID descarta definitivamente a MBAPPÉ
🗣️ Información @JGALLEGOonfire
📺 ➕ Información EN DIRECTO https://t.co/D70xOxdi9Z pic.twitter.com/QYfdbMnJ76
— Carrusel Deportivo (@carrusel) November 8, 2023
سەرچاوەکە باسی لە دوو هۆکار کردووە کە وایکردووە بەرپرسانی مەدریدی واز لە گواستنەوەی ئێمباپێ بێنن، یەکەمیان داواکاری ئەو یاریزانە بۆ مووچەیەکی خەیاڵی و هەروەها پاداشتی گرێبەست کردن لەگەڵ یانەکەیان.
هۆکاری دووەمیش کە وایکردووە شاهانەکان دڵ سارد بن لە گواستنەوەی هێرشبەرە فەرەنسیەکە ئەوەیە، ئەو یاریزانە ساڵی 2024 تەمەنی دەبێتە 26 ساڵ و یانەکە نایەوێت بۆ یاریزانێک لەم تەمەنە پارەی خەیاڵی خەرج بکات و زیاتر گرنی بە یاریزانی لاو دەدات.
