زانیاری نوێ لەسەر پێکانەکەی ئاراوخۆ

یاریگا

بارسێلۆنا لە گەڕی چوارەمی چامپیۆنزلیگ بووە میوانی شاختاری ئۆکرانیا و یارییەکەشی بە ئەنجامی 0-1 دۆڕاند و تووشی یەکەم دۆڕانی ئەم وەرزە بوون لە پاڵەوانتیەکە.

دوای دۆڕانەکە هەواڵێک هاندەرانی بارسا زیاتر نیگەران کرد، ئەویش پێکانی رۆناڵد ئاراوخۆ بەرگریکاری ئۆرگوایی یانەکەیان بوو، بەڵام ئەمڕۆ چەند سەرچاوەیەکی نێوخۆیی لە ئیسپانیا هەواڵێکی دیکەیان بڵاوکردەوە.

رۆژنامەی ئاسی وەرزشی ئیسپانی هەواڵە خۆشەکەی گەیاندە هاندەرانی بارسێلۆنا، ئەو سەرچاوە مەدریدیە بڵاویکردەوە ئاراوخۆ هیچ پێکانێکی نیە و بۆ یاریی داهاتووی یانەکەی ئامادە دەبێت.

سەرچاوەکە بڵاویشی کردەوە چاڤی راهێنەری یانەکە، یاریزانەکانی دڵنیا کردووەتەوە بەرگریکارە ئۆرگواییەکە هیچ کێشەیەکی نیە و بۆ یاریی یەکشەممەی داهاتوو لە لالیگا بەرامبەر ئالاڤێس ئامادە دەبێت.