مارکۆس ئاڵۆنسۆ بارسێلۆنا جێدەهێڵیت
یاریگا –
لە هاوینی داهاتوو، مارکۆس ئاڵۆنسۆ، ریزەکانی یانەی بارسێلۆنا جێدەهێڵیت.
پێگەی فووتبۆڵ ترانسفێر بڵاویکردووەتەوە، لە هاوینی داهاتوو، پاش کۆتایی هاتنی گرێبەستەکەی، مارکۆس ئاڵۆنسۆ ماڵئاوایی لە بارسێلۆنا دەکات و ریزەکانی یانە کاتالۆنییەکە جێدەهێڵیت.
بەپێی هەمان سەرچاوە، بەرگریکارە ئیسپانییەکە پەیوەندی بە یانەی ئاتلێتیکۆ مەدریدی هەمان وڵات دەکات، لەگەڵ سیزار ئزپلیکوێتای هاوڕێی دێرینی یەکدەگرنەوە.
🚨 Marcos Alonso is set to leave Barcelona at the end of his contract in the summer for La Liga rivals Atlético Madrid.
(Source: Football Transfers) pic.twitter.com/Q4DvWvMo6f
— Transfer News Live (@DeadlineDayLive) November 8, 2023
بەرگریکارە تەمەن 32 ساڵانییەکە لە هاوینی 2022 بە گرێبەستێکی ئازاد لە چێڵسی لەندەنییەوە رووی لە یانە کاتالۆنییەکە کرد.
بەڵام بەهۆی هەڵکشانی تەمەنی و هەبوونی بەرگریکاری لاو، چاڤی هێرناندێز بەشێوەیەکی سەرەکی پشت بە ئاڵۆنسۆ نابەستێت.
مارکۆس لەم وەرزە لە سەجەم پاڵەوانێتییەکان تەنیا 7 یاری بە درێسی بارسا کردووە، بە کۆی گشتیش تەنیا 300 خولەک یاریکردووە.
هەر بەهۆی کەمی دەرفەتی یاریکردن، بریاریداوە گرێبەستەکەی لەگەڵ بارسا درێژنەکاتەوە، لە ریزەکانی ئاتلێتیکۆ مەدریدی رکابەری سەرسەختی یانەکەی ئێستای درێژە بە یارکردن دەدات.
ئاڵۆنسۆ لە ئەکادیمیای ریال مەدرید پێگەیشتووە، یاری بۆ یانەکانی بۆڵتن، فیۆرێنتینیا، سەندەرلاند، چێڵسی و بارسێلۆنا کردووە.
بە درێسی چێڵسی نازناوێکی چامپیۆنزلیگ، یۆرۆپالیگ، پرێمەرلیگ، جامی جیهانی یانەکان، جامی سوپەری ئەوروپا و جامی یەکێتی ئینگڵتەڕای بەدەستهێناوە.
بە درێسی یانە ئیسپانییەکەش نازناوێکی لالیگا و نازناوێکی جامی سوپەری ئیسپانیای بەدەستهێناوە.
