یاریگا –
هاندەرێکی پاریس سانجێرمان بە چەقۆ هێرشیکراوەتەوە سەر و ئێستا لە نەخۆشخانەیەکی میلان خەوێندراوە.
هاندەرانی میلان و پاریس سانجێرمان لە شەقامەکانی میلان رووبەڕووی یەکتربوونەوە، ئەمەش چەند کاتژمێرێک بەر لە یاری لووتکەی نێوانیان لە چامپیۆنزلیگ.
رۆژنامەی کۆرێرێ دێلا سێرا بڵاویکردووەتەوە، نزیکەی 100 هاندەری ئەڵتراسی میلان بە درێسی رەشەوە، چوونە ناوچەی ناڤیگلی لە ناوەڕاستی میلان، هاندەرانی پاریسیش لەو شوێنە کۆببونەوە.
La carica degli ultrà milanisti ai tifosi del Psg sui Navigli: il video https://t.co/QT1djkMndB
— Corriere della Sera (@Corriere) November 7, 2023
لەگەڵ گەیشتنیان بۆ گۆڕەپانی ناڤیگلی، یاری ئاگرین تەقێندران و دواتر بووە شەڕە بووتڵی شوشە و پێکدادانی نێوانیان.
رۆژنامە ئیتاڵییەکە روونیکردووەتەوە، بەچەقۆ هێرشکرایە سەر هاندەرێککی پاریس و رانی برینداربوو، دەستبەجێ گەیێندرایە نەخۆشخانە.
پۆلیسی ئیتاڵیا ناچاربوو بە گازی فرمێسکڕێژ هاندەران لەیەکتر بکاتەوە.
تاوەکو ئێستا هیچ کەسێک لەدوای رووداوەکە دەستگیرنەکراوە، بەڵام پۆلیس خەریکی سەیرکردنەوەی ڤیدیۆکانە و دەیانەوێت هێرشبەرەکە بدۆزنەوە.
