ئیسپانیا
جۆری پێکانەکەی بێڵینگهام راگەیەندرا
جود بێڵینگهام پێکانی هەیە و ئەگەری دوورخستنەوەی هەیە لە یاری خولی پاڵەوانەکانی ئەورووپا بەرامبەر براگا.
شەوی رابردوو لە یارییەکانی لالیگادا، ئەستێرەکەی مەدرید بە خراپی کەوت بەسەر زەویدا و ئازاری پێگەیشت. هەرچەندە توانی یارییەکە تەواوبکات بەڵام ئەمڕۆ راگەیەندرا بە ئازارەوە یاری کردووە و پێکانی هەیە.
بەگوێرەی رۆژنامەی ئاس، شانی بێڵینگهام لەجێ چووە. هەرچەندە پێکانەکەی قورس نیە بەڵام بەدڵنیاییەوە تاوەکو شەوی چوارشەممە چاک نابێتەوە. هێشتا روون نیە بێڵینگهام بەو پێکانەوە بەشداردەبێت یاخود یانەکە پشووی پێدەدات.
مەدرید سەرجەم سێ یاری سەرەتای قۆناغی کۆمەڵەکانی بردووەتەوە و رەنگە یانەکە بڕیار بدات پشوو بەو یاریزانە بدات.
لۆس بلانکۆس نەیتوانی یارییەکەی شەوی رابردوو لە رایۆ ڤاییکانۆ بباتەوە و پلەی یەکەمی لە بەرژەوەندی جیرۆنا لەدەست دا.
