یاریگا –
شەوی رابردوو لە یارییەکانی گەڕی دوازدەی لالیگا، ریال مەدرید لە یاریگای سانتیاگۆ بێرنابیۆ میوانداری رایۆ ڤاییکانۆی کرد، یارییەکەش بە یەکسانبوون و بەبێ گۆڵ کۆتایی هات.
ئەم یەکسانبوونەی ریال مەدرید یەک یاری دوای سەرکەوتنیان لە کلاسیکۆی جیهان دێت، پێشەنگی خولەکەیان لەدەستدا و جیاوازی خاڵەکانیان لەگەڵ بارسێلۆنای رکابەریان بۆ 2 خاڵ کەمبووەوە.
ئەوەی جێگای سەرنج بوو، پاش کۆتایی هاتنی یارییەکە، جود بێڵینگهامی ئەستێرەی یانەی ریال مەدرید، تاکە یاریزانی یانەکەی بوو تا کۆتایی لە یاریگادا مایەوە و سوپاسی هاندەرانی یانەکەی کرد.
بێگومان ئەمە جاری یەکەم نییە و یاریزانە تەمەن 20 ساڵانییەکەی مێرێنگی لە سەرجەم یارییەکانی ئەم وەرزەی تیپەکەی وەک سەرکردەیەک رۆڵدەگێڕێت، هەمیشە پەیوەندییەکی پتەویشی لەگەڵ هاندەراندا هەیە.
بە ڤیدیۆ بینەریبن:
🚨🚨بيلينغهام كان آخر لاعب يحيي الجماهير ، تم إبعاده عن الملعب بعد شجاره مع لاعب من رايو فاليكانو.pic.twitter.com/WrhXBnY49B
— BlancosGlobal (@Blancos_Global) November 5, 2023
جود لەم وەرزە لە سەرجەم پاڵەوانێتییەکان بەدرێسی یانەکەی بەشداری 14 یاری کردووە، 13 گۆڵی کردووە و 3 گۆڵیشی درووستکردووە.
