یاریگا-
بۆ یەکەمین جار لەم وەرزەدا یانەی ریاڵ مەدرید نەیتوانی لە سانتیاگۆ بێرنابیۆ سەرکەوتن تۆماربکات و بەرامبەر رایۆ ڤاییکانۆ بەبێ گۆڵ یەکسان بوو.
لە خولەکی 9 ی یارییەکە، جوود بیڵینگهام ئەستێرەی ئینگلیزی یانەی ریاڵ مەدرید لە شانیدا توشی پێکان بوو، دوای چارەسەرکردنی لە نێو یاریگادا، جوود گەڕایەوە و تا کۆتایی یارییەکە بەردەوام بوو لە یاریکردن.
کارلۆ ئانچێلۆتی دوای یارییەکە سەبارەت بە پێکانی بێڵینگهام وتی:
بەڵێ جوود کێشەیەک لە شانیدا هەیە، دەبێت سبەی پشکنینی پزیشکی بۆ بکرێت، هیوادارم سەلامەت بێت و بتوانێت بەشداری یارییەکەی چوارشەممە بکات لە چامپیۆنزلیگ.
ڤیدیۆی ساتی پێکانەکە:
