یاریگا –
پێدری گەڕاوەتەوە مەشقە بە کۆمەڵەکانی بارسێلۆنا، ئامادەیە بۆ رووبەڕووبوونەوەی ریال سۆسیدادیش.
رۆژنامەی سپۆرت بڵاویکردووەتەوە، پێدرێ بەشێوەیەکی تەواو بەشداری دوایین مەشقەکانی یانەی بارسێلۆنای کردووە، یاریزانەکە هیچ گرفتێکی نەماوە و بە دڵخۆشی و وزەیەکی زۆرەوە گەڕاوەتەوە مەشقەکان.
ئەستێرە ئیسپانییەکە لەم وەرزە تەنیا لە دوو گەڕی سەرەتای لالیگا یاری بۆ بارسێلۆنا کردووە، بەهۆی نوێبوونەوەی پێکانێکی رابردووی لە سەرجەم یارییەکانی دیکەی یانەکەی بێبەشبووە.
⌛️ Cuenta atrás para Pedri
🙌 El canario ha realizado todo el entrenamiento con el resto del grupo y ha acabado con buenas sensaciones
✍️ @AdriiFdez https://t.co/6k4eoyReUY
— Diario SPORT (@sport) November 1, 2023
بەڵام بەپێی رۆژنامە ئیسپانییەکە، یاریزانە تەمەن 20 ساڵانییەکە بەتەواوی ئامادەیە بۆ یاری داهاتووی یانەکەی، کە رۆژی شەممەی داهاتوو لە یارییەکانی گەڕی 12ـی لالیگا دەبنە میوانی ریال سۆسیداد.
یانە کاتالۆنییەکە لەم وەرزە بەدەست زنجیرە پێکانێک ناڵاندوییەتی، بەڵام پەیتا پەیتا ئەستێرەکانی دەگەڕێنەوە مەشقەکان، گەڕانەوەی پێدری لەم کاتە هەستیارە هێزێکی زیاتر دەداتەوە بە پێکهاتەکەی چاڤی هێرناندێز.
بارسا لەم وەرزەی لەلیگا لە 11 یاریدا 24 خاڵی کۆ کردووەتەوە، پلەی چوارەمی ریزبەندی خولەکەی گرتووە و چوار خاڵ لە ریال مەدریدی پێشەنگ دوورە.
First day of the month ✅ pic.twitter.com/m3WSKU88tl
— FC Barcelona (@FCBarcelona) November 2, 2023
