یاریگا –
رەنگە بەلای دیدیێ دیشان، راهێنەری فەرەنسا، لیۆنێل مێسی باشترین یاریزانی مێژووی تۆپی پێی نەبێت.
یاریزانی ئەرجەنتین و ئینتەر مەیامی، هەشتەمین خەڵاتی باڵۆن دۆری بردەوە و لە مەراسیمێکدا لە پاریس لە بەردەم ئەستێرەکانی دیکە، تۆپە ئاڵتونییەکەی وەرگرت.
دیبەیتێکی زۆر لەسەر دەستنیشانکردنی باشترین یاریزانی مێژووی تۆپی پێ هەیە، هەرچەندە بەشێکی زۆر پێیان وایە، بردنەوەی جامی جیهانی، دەستکەوتێکی گەورەیە بۆ لیۆ مێسی و سیڤییەکەی بەهێز کردووە، ئەمە لە کاتێکدا کریستیانۆ رۆناڵدۆ نەیتوانی ناوی بچێتە لیستی باشترین 30 یاریزانی جیهان.
دیشان پێی وایە مێسی باشترینی مێژوو نییە و دەڵێ، پێویستە ناوی کریستیانۆ رۆناڵدۆ و کیلیان ئێمباپێش وەک باشترینی مێژوو بهێندرێت.
-¿Sientes que Messi es el mejor jugador de todos los tiempos? 🤔
-LOS ARGENTINOS LO DICEN… 💥
¡Contundente respuesta de Didier Deschamps! 🗣️#BallonDor pic.twitter.com/6QFEw8w2vB
— Futbol Picante (@futpicante) October 30, 2023
لە پەراوێزی مەراسیمی دابەشکردنی خەڵاتی باڵۆن دۆر، دیشان بەمشێوەیە قسەی بۆ ESPN Deportes کرد
ئەرجەنتینییەکان دەڵێن، مێسی باشترینی مێژووە، بەڵێ مێسی یەکێکە لە باشترینەکان، بەڵام ئەستەمە بتوانین بڵێین مێسی لە پێشەوەی کریستیانۆ رۆناڵدۆ و کیلیان ئێمباپێیەوە بێت، کێ گەنجترە؟
مێسی توانی بەسەر هالاند و ئێمباپێ سەرکەوت، هەرچەندە لە وەرزی رابردوودا، ئەستێرە نەرویجییەکە 52 گۆڵ کرد و سێ نازناویشی بەدەستهێنا، لە لایەکی دیکەشەوە، ئێمباپێ 55 گۆڵی بۆ پاریس سانجێرمان و هەڵبژاردەی فەرەنسا کرد، بەڵام لە پلەی سێیەمدا هات.
