یاریگا –
لە دوای مەراسیمی دابەشکردنی خەڵاتی باڵۆن دۆر لە پاریس، لیۆنێل مێسی بەشداری ستریمی ئیبای لانۆس، ستریمەری بەناوبانگ کرد.
مێسی، ئەستێرەی ئەرجەنتینی و ئینتەر مەیامی، هەشتەمین خەڵاتی باڵۆن دۆری بردەوە و لە دوای مەراسیمەکە، بەشداری لە ڵایڤی ستریمەر ئیبای کرد، بەڵام لە ستریمەکە، مێسی وشەی ناشیاوی بەکارهێنا.
مێسی لە ڵایڤەکەدا گوتی
چیدیکە وەڵامت نادامەوە، چونکە تۆ هەموو شتێک بڵاودەکەیتەوە و ئەمەش شتێکە، هەرگیز حەزم پێی نییە. باسی باڵۆن دۆرم بۆ دەکەی و دەتەوێت بابەتەکە بگۆڕیت، ئەی کوڕی سۆزانی.
el momento en el que me llama hijo de puta y luego nos ponemos a hablar como si fuera una entrevista seria qué ha sido pic.twitter.com/fvGKcNYKwH
— Ibai (@IbaiLlanos) October 30, 2023
لانۆس لە پلاتفۆرمی ڤیدیۆی گفتوگۆکەی لەگەڵ مێسی بڵاوکردەوە و لە کاپشندا نووسیویەتی
ئەمە ئەو کاتەیە کە لیۆ پێم دەڵێت کوڕی سۆزانی و دواتر وا قسەمان کرد، گوایە لە چاوپێکەوتنێکی جدی داین.
لە دوای بەدەستهێنانی هەشتەمین خەڵاتی باڵۆن دۆر، مێسی لەگەڵ ئینتەر مەیامی دەچێتە چین و دوو یاری دۆستانە دەکات، دواتر تاوەکو مانگی ئاداری ساڵی داهاتوو، هیچ یارییەکی فەرمی نییە، چونکە تیمەکەی نەیتوانیوە بگاتە قۆناخی یەکلاکەرەوەی خولی ئەمریکی.
