یاریگا –
جود بێڵینگهام ئەستێرەی هەڵبژاردەی ئینگلتەرا و یانەی ریال مەدریدی ئیسپانی گاڵتە بە یاریزانێكی بارسێلۆنا دەكات، دوای بردنەوەكەیان بەرامبەر ئەو یانەیە.
شەوی رابردوو بارسێلۆنا لە یاریگای مۆنجویكی تایبەت بە خۆی میوانداری ریال مەدریدی كرد و یارییەكەش بە ئەنجامی دوو گۆڵ بەرامبەر گۆڵێك لە بەرژەوەندی یانەی میوان كۆتایی هات، لە میانی یارییەكانی هەفتەی یانزەیەمی خولی ئیسپانیا.
🏁 FP: @FCBarcelona_es 1-2 @RealMadrid
⚽ Gündoğan 6'; @BellinghamJude 68', 90'+2'#ElClásico | #Emirates pic.twitter.com/Zycr5FotVi— Real Madrid C.F. (@realmadrid) October 28, 2023
تاكە گۆڵەكەی بارسێلۆنا لەلایەن ئێلكای گوندۆگان لە خولەكی 6ی یارییەكەدا تۆمار كرا و پاشان لە خولەكەكانی 68 و 92 جود بێڵینگهام گۆڵی یەكسان بوون و بردنەوەی بۆ مەدریدیەكان تۆمار كرد.
بەپێی زانیاریەكانی تۆڕی دێڤێنسا سێنترال لە كاتی یارییەكادا پابلۆ گاڤی ئەستێرەی لاوی بارسێلۆنا بێڵینگهامی زۆر توڕە كردووە بەوەی زیاتر لە جارێك پاڵی پێوە ناوە و رووبەڕووی بووەتەوە.
هەمان سەرچاوە ئاشكرایكردووە، بێڵینگهام لەكاتی یارییەكەدا دوای ئەوەی زۆر توڕە بووە بە گاڤی وتووە:
سڵاو منداڵ، ئیتر پاڵم پێوە مەنێ، ئەوە چوارەم جاری لەسەریەکە تۆ پاڵ بە منەوە دەنێیت.
📲 أحكيلكم سر؟ جود هو الأدمن الجديد 😉 pic.twitter.com/ERc4ZbRBC5
— ريال مدريد (@realmadridarab) October 28, 2023
ریال مەدرید بە كۆكردنەوەی 28 خاڵ پێشەنگی ریزبەندی خولی ئیسپانیای گرتووە و جیڕۆناش لە پلەی دووە دێت بە هەمان ژمارەی خاڵ، لە پلەی سێیەم بارسێلۆنا دێت بە كۆكردنەوەی 24 خاڵ.
