یوڤێنتوس دانوستانەکانی بۆ نوێکردنەوەی گرێبەستی کیێزا دەستپێدەکات

یاریگا

فێدێریکۆ کیێزا یەکێک لە یاریزانە کاریگەرییەکانی یانەی یوڤێنتوسی ئیتاڵیا، پێدەچێت گرێبەستەکەی لەگەڵ یانەکەی نوێ بکاتەوە و چەند وەرزێکی دیکە لەگەڵ یانەکەی شاری تورین بەردەوام بێت.

ڕۆمیۆ ئاگرێستی، لە ماڵپەری گۆڵی ئیتاڵیا رایگەیاند، یانەی خانمە پیرەکە، ئەمڕۆ لەگەڵ فالی ڕامێزانی بریکاری فێدێریکۆ کیێزا کۆبووەوە. لەم کۆبوونەوەیەدا گفتوگۆی سەرەتایی بە ئاسۆی درێژکردنەوەی گرێبەستەکە دەستیپێکردووە.

بیرۆکەی بیانکۆنێری بریتییە لە درێژکردنەوەی گرێبەستی فێدریکۆ کیێزا تا ساڵی 2027. گرێبەستی ئێستای ئەو یاریزانە لەگەڵ خانمە پیرەکە تا ساڵی 2025 کارا دەبێت، یوڤی دەیەوێت بە زووترین کات گرێبەستەکەی لەگەڵ ئەستێرەکەی درێژ بکاتەوە.