یاریگا –
یانەی بارسێلۆنای ئیسپانی هەواڵێكی دڵخۆشكەری پێگەیشت پێش یارییە ئاگرینەكەیان بەرامبەر ریال مەدرید.
وا بڕیارە رۆژی شەممەی داهاتوو كاتژمێر 17:15 بارسێلۆنا لە یاریگای تایبەت بە خۆی میوانداری ریال مەدرید بكات، لە میانی یارییەكانی هەفتەی یانزەیەمی لالیگای ئیسپانیا.
📋🤝 Se vuelven a ver las caras en #ELCLÁSICO.
💙❤ Xavi 🆚 @MrAncelotti 🤍🤍#LALIGAEASPORTS pic.twitter.com/H1klKfaeQ1
— LALIGA (@LaLiga) October 26, 2023
بەپێی زانیاریەكانی رۆژنامەی ماركا رافینیا لەگەڵ تەواوی یاریزانەكانی دیكەی بارسێلۆنا راهێنانەكانی كردووە.
لە یارییەكانی هەفتەی هەشتەمی لالیگا رافینیا بەرامبەر سێڤییا تووشی پێكان هات و بە هۆیەوە یاریگای جێهێشت.
لە راپۆرتەكەی ماركاشدا هاتووە، چارەنووسی تەواوی یاریزانە پێكراوەكانی دیكە دیار نیە.
ئاماژە بەوەشكراوە، هەردوو یاریزانان رۆبێرت لیڤاندۆڤسكی و فرێنكی دی یۆنگ ئەگەر هەیە بتوانن بەشداری لە یارییەكەدا بكەن.
ریال مەدرید بە كۆكردنەوەی 25 خاڵ پێشەنگی خولی ئیسپانیای گرتووە و بارسێلۆناش بە 24 خاڵ لە پلەی سێیەم دێت.
