ساخۆ رووبەڕووی راهێنەرەکەی دەبێتەوە

یاریگا

مامادۆ ساخۆ بەرگریکاری پێشووی پاریس سانجێرمان و چێڵسی کە ئێستا یاری بۆ مۆنپیلیەی فەرەنسا دەکات، ڕەفتارێکی نەشیاوی بەرامبەر راهێنەری یانەکەی ئەنجامداوە.

رۆژنامەی ئێکیپی فەرەنسی بڵاویکردەوە، ڕووداوێکی ناشایستە و مشتومڕاوی لە کاتی مەشقەکانی ئەمڕۆی تیپی مۆنپیلیە ڕوویداوە. دوای دەمەقاڵە لە نێوان مامادۆ ساخۆ بەرگریکاری ناسراوی ئەم تیپە و میشێل دێر زەکەریان ڕاهێنەری یانە فەرەنسییەکە دروستبووە، راهێنەرەکە بە ساخۆی گوتووە منداڵی ساوا ، ساخۆ لەناکاو ملی ڕاهێنەرەکەی گرت و فڕێیدایە سەر زەوی. 

سەرچاوەکە بڵاویشی کردەوە وابڕیارە گرێبەستی ئەم بەرگریکارە تەمەن 33 ساڵە لەگەڵ یانەی مۆنپیلییە هەڵبوەشێتەوە.