یاریگا –
جود بێڵینگهام، بە هۆی هەستکردنی بە ئازار، بە ناچاری لە یاری دوێنێ شەوی ریال مەدرید بەرامبەر سپۆڕتینگ براگا یاریگای جێهێشت.
بێڵینگهام گۆڵێکی لە یارییەکەدا کرد و یارمەتی مەدریدیدا، بە ئەنجامی 1-2 یارییەکە بباتەوە و ئەمە سێیەم بردنەوەی لۆس بلانکۆس بوو لە چامپیۆنزلیگ.
لە خولەکی 89دا بێڵینگهام هەستی بە ئازارکرد و یاریگای جێهێشت، ئەمەش نیگەرانییەکانی بەر لە یاری کلاسیکۆ زیاد کرد. کارلۆ ئانچێلۆتی لە دوای یارییەکە روونیکردەوە
بۆ یاری کلاسیکۆ، مەترسی لەسەر بێڵینگهام نییە. تەنیا هەستی بە ئازارێکی سنووردار کردووە. پێکانەکەی مەترسیدار نییە.
بێڵینگهام یەکێکە لە دیارترین ئەستێرەکانی مەدرید، ئاستێکی بەرز لەگەڵ یانەکەی پایتەخت پێشکەش دەکات. چاوی هاندەرانی مەدرید هەمووی لەسەر بێڵینگهامە بۆ یاری کلاسیکۆ.
ریال مەدرید بە جیاوازی گۆڵ لە پلەی یەکەمی ریزبەندی لالیگادا دێت، یاری کلاسیکۆش دەبێتە خاڵێکی دیار بۆ یەکلاکردنەوەی پێشەنگایەتی.
