جێرارد هێرشبەرێكی پرێمەرلیگی دەوێت
یاریگا –
یانەی ئیتیفاقی سعودی بە راهێنەرایەتیكردنی ستێڤن جێرارد چاوی لە تواناكانی دۆمینیك كالڤێرت لوین هێرشبەری ئینگلیزی یانەی ئێڤەرتنە بۆ ئەوەی لە گواستنەوەكانی زستانەدا بیگوازێتەوە ریزەكانی.
گرێبەستەكەی كالڤێرت لوین لەگەڵ ئێڤەرتن لە هاوینی ساڵی 2025 بەسەردەچێت.
جێرارد داوای لە ئیدارەی یانەكەی كردووە لە گواستنەوەكانی زستانەدا هێرشبەرە ئینگلیزیەكەی بۆ بگوازنەوە بۆ پتەوكردنی هێڵی هێرشبردنی یانەكەی و هەروەها راهێنەرەكە سەرسامە بە ئاستی یاریزانەكە.
Could Dominic Calvert-Lewin be on his way to the Saudi Pro League?#BBCFootball
— BBC Sport (@BBCSport) October 24, 2023
بەپێی زانیاریەكانی بی بی سی یانەی ئیتیفاق ئامادەیە ئۆفەرێكی خەیاڵی ئێڤەرتن بكات بۆ ئەوەی لە گواستنەوەكانی زستانەدا دەستبەرداری كالڤێرت لوین ببن.
لە راپۆرتەكەشدا هاتووە، پێدەچێت دۆخی دارایی ئێڤەرتن ئیدارەی یانەكە ناچار بكات دەستبەرداری هێرشبەرەكەی ببێت.
ئاماژەش بەوە كراوە، لە ئەگەری هاتنی نرخێكی گونجاو ئەوا یانەكە ئامادەیە هێرشبەرە 26 ساڵانەكەی بفرۆشێت.
بە كۆكردنەوەی 17 خاڵ ئیتیفاق لە ریزبەندی حەوتەمی خولی رۆشنی دێت.
كالڤێرت لوین لەم وەرزەی پرێمەرلیگدا بەشداری لە شەش یاریدا كردووە و توانیویەتی دوو گۆڵ بكات.
