یاریگا –
محەمەد سەڵاح، بەدەنگی هاندەران، خەڵاتی باشترین یاریزانی مانگی رابردووی پرێمەرلیگی بەدەستهێنا.
لیڤەرپوول لە مانگی سێپتێمبەر لە پرێمەرلیگ چوار یاری ئەنجامدا، بە هاوکاری محەمەد سەڵاح، رێدز توانی سێ یارییان بباتەوە و لە یارییەکیشدا تووشی شکست بوون.
ئەستێرە میسڕییەکە لەو مانگە لە کۆی ئەنجامدانی چوار یاری بەشداری لە کردنی چوار گۆڵ کرد، دوو گۆڵی بۆ تیپەکەی کرد و دوو گۆڵیشی درووستکرد.
سەڵاح بۆ بەدەستهێنانی ئەم خەڵاتە، سەرکەوتووبوو بەسەر هەریەکە لە یاریزانان ئێرلینگ هالاند لە مانچێستەر سیتی، جەیمس مادیسن و سۆن هیونگ مین لە تۆتنهام، بوکایۆ ساکا لە ئارسیناڵ و کیێران تریپیێری لە نیوکاسڵ یونایتد.
لیڤەرپوول لەم وەرزەی پرێمەرلیگ بە کۆکردنەوەی 20 ساڵ لە نۆ یاریدا، پلەی سێیەمی ریزبەندی خولەکەی گرتووە.
محەمەد سەڵاحیش توانیوییەتی لە نۆ یاریدا حەوت گۆڵ بکات و چوار گۆڵیش درووست بکات. بەجیاوازی دوو گۆڵ لەدوای ئێرلینگ هالاند، پلەی دووەمی ریزبەندی گۆڵکارانی خولەکەی گرتووە.
Congrats, Mo 👏@MoSalah is named @PFA Premier League Fans' Player of the Month for September 🏆
— Liverpool FC (@LFC) October 23, 2023
