کاسێمیرۆ پەشیمانە لە پەیوەندیکردن بە مانچێستەر یونایتد

یاریگا –

کارلۆس کاسێمیرۆی بەڕازیلی پەشیمانە لە پەیوەندیکردن بە مانچێستەر یونایتدی ئینگلیزی.

تۆڕی هەواڵی سکای سپۆرت بڵاویکردووەتەوە، کاسێمیرۆی بەڕازیلی و ئەستێرەی پێشووی یانەی ریال مەدرید، پەشیمانە لەوەی پەیوەندی بە مانچێستەر یونایتدەوە کردووە، یاریزانەکە هیواخوازە ئەو بڕیارەی نەدایە.

سکای ئاماژەی بەوەشکردووە، شەیتانە سوورەکان چاویان لە جواو نێڤێسی پۆرتوگالی و ئەستێرەی یانەی بێنفیکای پۆرتوگالییە، دەیانەوێت یاریزانە تەمەن 19 ساڵانییەکە بکەنە جێگرەوەی کاسێمیرۆ.

🚨 Casemiro has regrets over joining Manchester United with the club wanting to sign Benfica's teenage midfield star João Neves.

(Source: @DailyMirror) pic.twitter.com/84XAo11Mgj

— Transfer News Live (@DeadlineDayLive) October 23, 2023

ئەستێرە بەڕازیلییەکە لە هاوینی 2022 بە بڕی 70.65 ملیۆن یۆرۆ لە ریال مەدریدەوە گواسترایەوە بۆ مانچێستەر یونایتد.

لە وەرزی رابردوو توانی ئاستێکی بەرز لەگەڵ یانەکەیدا پێشکەش بکات. بەڵام لەم وەزە بەشێوەیەکی بەرچاو ئاستی دابەزینی بەخۆیەوە بینیووە و بووەتە جێگای رەخنە و نیگەرانی هاندەرانی یانەکەی.

یاریزانە تەمەن 31 ساڵانییەکە لەم وەرزە لە 11 یاریدا 4 گۆڵی بۆ شەیتانە سوورەکان کردووە و گۆڵێکیشی درووستکردووە، بەڵام نەیتوانییوە بە تەواوی لەگەڵ پلانەکانی ئەم وەرزەی تێن هاخی راهێنەر خۆی بگونجێنێت.

✍️ It's official.

Welcome to United, @Casemiro 🇧🇷#MUFC

— Manchester United (@ManUtd) August 22, 2022