بایرن میونشن نرخی ئالفۆنسۆ دەیڤزی بۆ ریال مەدرید دیاریکرد

یاریگا –

بایرن میونشنی ئەڵمانی نرخی ئالفۆنسۆ دەیڤزی کەنەدی بۆ ریال مەدریدی ئیسپانی دیاریکرد.

رۆژنامەی بیڵد بڵاویکردووەتەوە، بۆ دەستبەرداربوون ئالفۆنسۆ دەیڤزی بەرگریکاری تیپەکەی، بایرن میونشن بەلای کەم داوای 50 ملیۆن یۆرۆ لە ریال مەدرید دەکات.

گرێبەستی بەرگریکارە تەمەن 22 ساڵانییەکە لە هاوینی 2025 لەگەڵ بایرن میونشن کۆتایی دێت، سەرجەم گفتوگۆکان بۆ نوێکردنەوەی گرێبەستەکەی وەستێنراو و هیچ پێشکەوتنێک نییە.

هاوکات نیک هووسی بریکاری کارەکانی یاریزانەکە لەبارەی دەنگۆی پەیوەندیکردنی ناوبراو بە لۆس بلانکۆس بەمشێوەیە دواوە:

ریال مەدرید یانەیەکی گەورەیە و ناوێکی گەورەی هەیە، من هاندەریانم، شانازی دەکەم کە دەیانەوێت یاریزانەکەم بەدەستبهێنن، بەڵام جارێ دەیڤز دوو ساڵ گرێبەستی لەگەڵ بایرن ماوە، بزانین لەچەند هەفتەی داهاتوو چی روودادەت.

بەدەستهێنانی ئالفۆنسۆ، خەونێکی لەمێژینەی ریال مەدریدە، بەپێی سەرچاوە ئەڵمانییەکە، مێرێنگی ئامانجییەتی بە بڕی 40 ملیۆن یۆرۆ گرێبەستەکە لە بەرژەوەندی خۆی یەکلایی بکاتەوە، بەڵام بایرن بەکەمتر لە 50 ملیۆن رازی نابێت.

دەیڤز لە هاوینی 2019 بەبڕی 14 ملیۆن یۆرۆ، لە ڤانکۆڤەری ئەمریکییەوە گواسترایەوە بۆ بایرن، بە درێسی یانە ئەڵمانییەکە لە سەرجەم پاڵەوانێتییەکان 165 یاری کردووە، 8 گۆڵی کردووە و 28 گۆڵیشی درووستکردووە.

بەدرێسی باڤارییەکان 1 نازناوی چامپیۆنزلیگ، 5 نازناوی بۆندسلیگا، 1 نازناوی جامی جیهانی یانەکان، 1 نازناوی جامی سوپەری ئەوروپا، 2 نازناوی جامی ئەڵمانیا و 3 نازناوی جامی سوپەری ئەڵمانیای بەدەستهێناوە.