گریزمان ژمارەیەکی پێوانەیی تۆمار دەکات
یاریگا –
ئانتوان گریزمانی ئەستێرەی یانەی ئاتلێتیکۆ مەدرید و هەڵبژاردەی فەڕەنسا، توانی لەسەر ئاستی یانەکان ژمارەیەکی پێوانەیی تۆمار بکات.
لە یاری دوێنێ نێوان ئەتلەتیکۆ مادرید و سێلتاڤیگۆ، گریزمان توانی سێ گۆل تۆمار بکات و وەک باشترین یاریزانی یارییەکە دیاری بکرێت. بەم گۆڵانەی دوێنێ ئەستێرە فەڕەنسییەکە توانی 250هەمین گۆڵی خۆی لەسەر ئاستی یانەکان تۆمار بکات.
هێرشبەرە تەمەن 32 ساڵەکە لە یانەکانی بارسێلۆنا، ریال سۆسیداد و ئەتلەتیکۆ مەدرید یاری کردووە و لەم وەرزەدا لە کۆی 9 یاری توانیویەتی 7 گۆڵ تۆمار بکات.
𝟮𝟱𝟬 club goals for Antoine Griezmann 🇫🇷🤩 pic.twitter.com/I7poLNVbkI
— LiveScore (@livescore) October 21, 2023
لە کۆی گشتی لە 351 یاریدا بۆ مەدریدیەکان 162 گۆڵی کردووە و ئەو تەنیا پێویستی بە تۆمار کردنی 8 گۆڵیتر هەیە تاوەکوو ببێتە گۆڵکاری مێژوویی ئەتلەتیکۆ مەدرید.
