یاریگا –
ئەستێرە خانەنشینەکانی تۆپی پێ ئەوانە وازهێنانیان لە یاریكردن راگەیاندووە، لە سەرانسەری جیهان بەدەست کێشی زیادەوە دەناڵێنن، بەتایبەتی دوای ماوەیەك دوورکەوتنەوە لە وەرزشکردن و پابەند نەبوون بە خواردنی تەندروستەوە.
دیارترین ئەو ئەستێرە دیارانەی کە كێشی بەتەواوی زیادیكردووە رۆناڵدۆی دیاردەیە.
گرنگترین ئەو ئەستێرانەی كە كێشی لەشیان زیادی كردووە:
1- رۆناڵدۆی بەرازیلی ( رۆناڵدۆی دیاردە ):
رۆناڵدۆی بەرازیلی لە ماوەی رابردوودا یەكێك بووە لە باشترین یاریزانەكانی تۆپی پێ لە جیهاندا، بەڵام دوای ئەوەی لە ساڵی 2011 وازهێنی لە یاریكردن راگەیاند كێشی بەشێوەیەكی بەرچاو زیادی كرد.
2– ئەدریانۆ
بەهەمان شێوە ئەدریانۆی بەڕازیلی لە دوای وازهێنانی لە یاریكردن لە ساڵی 2016 كێشی بە تەواوی زیادیكرد.
3- رۆناڵدینیۆ
رۆناڵدینیۆی بەڕازیلی، یاریزانی پێشووی بارسێلۆنا، چەندین دەستکەوتی گەورەی بەدەستهێنا و خەڵاتی تۆپی ئاڵتونی و باشترین یاریزانی جیهانی بردەوە، بەڵام لەم دواییانەدا بە جلی مەلەوانییەوە دەرکەوت، بەدەست دیاردەی چەوری ورگەوە دەناڵێنێت.
4- خۆسێ لویس چیلاڤێرت
خۆسێ لوێس چیلاڤێرت گۆڵپارێزی پێشووی هەڵبژاردەی پاراگوای، تاكە گۆڵپارێزە لە مێژوودا زۆرترین گۆڵ تۆمار بكات بە كردنی 62 گۆڵ، هەروەها یەكەم گۆڵپارێزە سێ گۆڵ بكات لە یەك یاریدا، بەڵام لە دوای وازهێنانی لە تۆپی پێ تووشی زیادبوونی كێشی بوو.
