فیفا رێگە بە فەڵەستین نادات یارییەکان لە جەزائیر بکات
یاریگا
پێشنیاری جەزائیر بۆ میوانداریکردنی یارییەکانی هەڵبژاردەی فەڵەستین بەهۆی بارودۆخی جوگرافیاوە ڕەتکرایەوە.
ماڵپەری RMC Sportـی فەرەنسی بڵاویکردەوە، یەکشەممەی ڕابردوو دوای پێکدادانەکانی نێوان حەماس و ئیسرائیل، فیدراسیۆنی تۆپی پێی جەزائیر خواستی خۆی بۆ میوانداریکردن و پاڵپشتی دارایی لە یارییەکانی داهاتووی هەڵبژاردەی فەلەستین ڕاگەیاند.
فیفا و فیدراسیۆنی تۆپی پێی ئاسیا داواکاری و ئۆفەرەکەی جەزائیریان ڕەتکردەوە، فیدراسیۆنی تۆپی پێی جەزائیر لە بەیاننامەیەکدا ڕایگەیاند، ئەو دوو ڕێکخراوە دەیانەوێت فەڵەستین لە ناوچە جوگرافییەکەی خۆی کە کیشوەری ئاسیایە بە پێی ڕێساکانی ئێستا یاری بکات.
یاری داهاتووی فەلەستین لە 21ـی ئەم مانگە، واتە دوای یەک مانگی دیکە بەرامبەر ئوستراڵیا دەبێت لە پاڵاوتنەکانی مۆندیالی 2026، بەڵام دیار نیە ئاخۆ ئەو هەڵبژاردەیە کام وڵات هەڵدەبژێرێت.
