کوردستان

ئاخۆ هەوادارانى هەولێر ئاهەنگی ناسناوى خولی بژاردە دەگێڕن یا یانەى تاجى بەسەركێشی لێیان دوا دەخا

بڕیارە ئێوارەى ئەمڕۆ یانەى هەولێر لە بەغدا لە چوارچێوەى یارییەكانى گەڕی 17می خولی بژاردەى عێراق رووبەڕووی یانەى تاجی بێتەوە بردنەوەى لەو یارییە ناسناوى خولی ئەمساڵ مسۆگەر دەكا و

یانەى هەولێر
یانەى هەولێر

لەلایەكی تریشەوە دوێنێ یانەى دهۆك پێگەى خۆى لە ریزبەندیی دووەمى خولەكە بەهێزتر كرد.

ئێوارەى ئەمڕۆ هەوادارانى یانەى هەولێر چاوەڕوانى ئاهەنگگێڕان بەبردنەوەى چوارەم ناسناوى خولی بژاردەى عێراق كە ئێستە تەنیا 3 خاڵییان ماوە تا بەرەسمی ببن بەپاڵەوانی ئەم وەرزە، بەڵام ئەگەر یانەى تاجی بەسەركێشی رێگریی بردنەوەیان بكا، ئەوا ئاهەنگەكە دوا دەخرێ.

هەولێر یا قەڵاى زەرد لە بەغدا دەبێتە مێوانی یانەى تاجی، هەولێرییەكان تەنیا پێویستیان بە 3 خاڵ هەیە تا بەرەسمی بەبێ چاوەڕوانى یارییەكانى تریان ببن بەپاڵەوانى وەرزی 2011 ـ 2012 خولی بژاردەى عێراق (ئاسیاسێل).

یانەى هەولێر ئێستە بەكۆكردنەوەى 77 خاڵ لە 34 یاریی بە 22 بردنەوە، 11 یەكسانبوون و 1 دۆڕان بەبێ كێبەركێكار لە پێشەنگ دایە، دەبێتە مێوانى یانەى تاجی كە خاوەنى 33 خاڵە لە ریزبەندیی 17 بە 6 بردنەوە، 15 یەكسانبوون و 14 دۆڕاندن، لە یاریی پێشوودا یانەى هەولێر توانى بەئەنجامى 3 ـ سفر بباتەوە.

لەلایەكی تریشەوە دوێنێ یانەى دهۆك نوێنەری دووەمى هەرێمی كوردستان لە چوارچێوەى هەمان گەڕ بەئەنجامى 2 ـ سفر لە یانەى بەغدا بباتەوە، بەمەش ئەگەر یانەى قوە جەوییە دووچارى هەر دۆڕاندنێك بێتەوە و یانەى دهۆكیش سەرجەم یارییەكانى تری خۆى بباتەوە، ئەوا ئەو یانەیەش دەبێتە دووەمى خولەكە.

نووس: محەمەد عەبدوڕەحمان

ئاکانیوز

کۆمێنتێکی نوێ دابنێ

کۆمێنتەکان

تاگ

بابەتی پەیوەندیدار

Back to top button
Close