یاریگا –
ئەمڕۆ شەممە، كاتژمێر 19:30 لە یارییەکانی گەڕی دەیەمی لالیگا، سێڤییا لە یاریگای رامۆن سانچێز پیزخوان میوانداری ریال مەدرید دەکات.
بەرلەم یارییە مێرێنگی لەم وەرزەی لەلیگا لە 9 یاریدا 8 یاری بردووەتەوە و یارییەکیشی دۆڕاندووە، بە کۆکردنەوەی 24 خاڵ پێشەنگی ریزبەندی خولەکەی گرتووە.
دۆخی سێڤییا خراپە، لە 8 یاریدا تەنیا 2 یاری بردووەتەوە، 4 یاری دۆڕاندووە و 2 یاریش یەکسانبووە، بە کۆکردنەوەی 8 خاڵ پلەی چواردەیەمی خولەکەی گرتووە.
💪 ¡A DARLO TODO!
🆚 @SevillaFC
🏆 @LaLiga
⏰ 18:30 CEST
#️⃣ #SevillaFCRealMadrid pic.twitter.com/KjbN9coMUb— Real Madrid C.F. (@realmadrid) October 21, 2023
مێژووی رووبەڕووبوونەوەکانیان:
لە مێژووی لالیگا هەردوویانە لە 158 یاریدا رووبەڕووبوونەتەوە، ریال مەدرید 86 یاری بردووەتەوە، سێڤییایش 45 یاری بردووەتەوە و لە 27 یاریدا یەکسانبوون.
هەروەها کریستیانۆ رۆناڵدۆ پۆرتوگالی گۆڵکاری مێژووی رووبەڕووبوونەوەی نێوان هەردوو یانەیە، لە 27 یاریدا 18 گۆڵی کردووە.
سەرەڕای خراپی ئاستی سێڤییا، یارییەکە بۆ مێرێنگی ئاسان نابێت، بەوپێیەی یارییەکە لەدەرەوەی یاریگای خۆیەتی، سێڤییاش پەیتا پەیتا هەوڵی خۆرێکخستنەوە دەدات، بە ئاسانی خۆی بەدەستەوە نادات.
هاوکات یارییەکە رووداوێکی مێژووی لەخۆ دەگرێت، سێرجیۆ رامۆسی کاپتنی پێشووی یانەی ریال مەدرید، دوای نزیکەی 1000 رۆژ لە جێهێشتنی ریال مەدرید، لەم یارییەدا رووبەڕووی یانە کۆنەکەی دەبێتەوە.
Un partido que duele por el resultado y las circunstancias, pero que nos refuerza por la imagen y actitud del equipo. Seguimos creciendo y ya pensamos solo en la @ChampionsLeague.
A match that hurts because of the result and the circumstances, but that strengthens us because of… pic.twitter.com/KCZL1Vhuf6
— Sergio Ramos (@SergioRamos) September 30, 2023
