یاریگا –
خۆسێ مۆرینیۆ، راهێنەری پۆرتوگالی یانەی رۆمای ئیتاڵی لەلایەن سعودیەكانەوە ئۆفەرێكی خەیاڵی بۆ دانراوە.
لەم وەرزەدا رۆما بەدەست خراپی ئەنجامەكانیەوە دەناڵێنێت و بە جۆرێك لە دوای تێپەڕبوونی هەشت هەفتە یانكە تەنیا خاوەنی 11خاڵە و لە ریزبەندی دەیەمی سێریا ئەی دێت و بە جیاوازی 10 خاڵ لە میلانی پێشەنگەوە دوورە.
سەرەڕای خراپی ئەنجامەكانی، مۆرینیۆ بووەتە ئامانجی زۆرێك لە یانە سعودیەكان، هەروەها ناوی راهێنەرە پۆرتوگالیەكە بە گەڕانەوە بۆ ریال مەدرید و رۆژنامەكان وەك شوێنگرەوەیەكی كارلۆ ئانچێلۆتی دایان ناوە.
بۆ رێگری كردن لە دووبارە گەڕانەوەی بۆ سانتیاگۆ بێرنابیۆ یانە سعودیەكان دەیانەوێت ئۆفەرێكی خەیاڵی پێشكەشی مۆرینیۆ بكەن.
🎙️ José Mourinho in vista di #SheriffRoma #UEL pic.twitter.com/38UyDC73MS
— AS Roma (@OfficialASRoma) September 21, 2023
بەپێی زانیاریەكانی رۆژنامەی كۆرێری دیلۆ سپۆرتی ئیتاڵی هەردوو یانەی ئەهلی و ئیتیحادی سعودی گرنگی بە گواستنەوەی مۆرینیۆ دەدەن بۆ ئەوەی وەرزی داهاتوو پۆستی راهێنەرایەتیكردنی یەكێك لەو دوو یانەیە وەربگرێت و بۆ ئەو مەبەستەش 50 ملیۆن یۆرۆیان وەك موچەی ساڵانەی داناوە.
گرێبەستەكەی خۆسێ مۆرینیۆ لەگەڵ گورگەكانی رۆما لە هاوینی ساڵی 2024 بەسەردەچێت.
لە ساڵی 2021 مۆرینیۆ پۆستی راهێنەرایەتیكردنی رۆمای لە ئەستۆ گرت و توانی نازناوی كۆنفرانسلیگ لەو وەرزەدا بباتەوە و وەرزی رابردووش لە یاری كۆتایی یۆرۆپالیگدا بەرامبەر سێڤییا شكستی هێنا.
