یاریگا –
لیۆنێل مێسی پەیامێکی پاڵپشتی بۆ نێیمار، ئەستێرەی هیلالی سعودی نارد.
نێیمار لە یاری رابردووی هەڵبژاردەی بەرازیل بەرامبەر هەڵبژاردەی ئوروگوای تووشی پێکانێکی سەخت و بەو هۆیەوە بۆ ماوەیەکی درێژ دووردەکەوێتەوە و پێناچێت بەشداری لە هیچ یارییەکی ئەم وەرزەدا بکاتەوە.
ئەژنۆی یاریزانی تەمەن 31 ساڵان تووشی پێکان بووە و پێویستە نەشتەرگەری بکات، بەمەش دیارنییە دەتوانێت بەشداری لە کۆپا ئەمریکای 2024 بکات.
مێسی کە یەکێکە لە هاوڕێیە نزیکەکانی ئەستێرە بەرازیلییەکە و پێشتر لە بارسێلۆنا و پاریس سانجێرمان بەیەکەوە یارییان کردووە، لە پلاتفۆرمەکانی سۆشیال میدیا پەیامێکی پاڵپشتی بۆ نێیمار نارد و بۆی نووسیووە ”هێزێکی زۆر” ئەمەش وەک بەرزکردنەوەی ورەی نێیمار.
نێیمار بۆ چەندین مانگ دووردەکەوێتەوە و پێناچێت لەم وەرزەدا بەشداری هیچ یارییەکی هیلال بکاتەوە و هیواییەکی بچووکی بۆ بەشداریکردن لە کۆپا ئەمریکا هەیە، کە ساڵی داهاتوو لە ویلایەتە یەکگرتووەکانی ئەمریکا بەڕێوەدەچێت.
