مانچێستەر یونایتد لەبارەی سانچۆ گەیشتە ئەنجامی کۆتایی
نێوان سانچۆ و شەیتانە سوورەکان کۆتایی هات
یاریگا –
نێوان سانچۆ و مانچێستەر یونایتد کۆتایی هات. بۆڕووسیا دۆرتموندیش ئامادەکاری بۆ گەڕاندنەوەی یاریزانەکە دەکات.
رۆژنامەی تەلەگراف بڵاویکردووەتەوە، مانچێستەر یونایتد بە تەواوی لە جەیدن سانچۆ بێهیوا بووە، یاریزانەکە ئامادە نییە داوای لێبوردن لە ئێریک تێن هاخ بکات. بەو هۆیە دەستبەرداری دەبن.
لە کەیسی سانچۆدا، شەیتانە سوورەکان بە تەواوی پاڵپشتی راهێنەرە هۆڵەندییەکەیان دەکەن، بەگوێرەی هەمان سەرچاوە تێن هاخ پاڵپشتیی ژووری جلگۆڕینیشی بەدەستهێناوە، ئەستێرە ئینگلزییەکە بەبێ پاڵپشتی ماوەتەوە.
بۆڕووسیا دۆرتموندی ئەڵمانی ئەمە بە دەرفەتێکی گونجاو دەزانێت، ئامادەکاری دەکات تا لە مانگی یەک و لە مێرکاتۆی زستانە جارێکی دیکە یاریزانەکە بگەڕێنێتەوە بۆندسلیگا.
تێن هاخ لە سەرەتای مانگی سێپتێمبەر سانچۆی بانگهێشتی یاری یانەکەی بەرامبەر بە ئارسیناڵ نەکرد. ئەمەش بووە هۆکاری تێکچوونی پەیوەندی نێوانیان (زانیاری زیاتر…)
سانچۆ لە هاوینی 2021 بە بڕی 85 ملیۆن یۆرۆ لە بۆڕووسیا دۆرتموندی ئەڵمانییەوە گواسترایەوە بۆ مانچێستەر یونایتد، بەڵام بە درێسی شەیتانە سوورەکان نەیتوانی ئاستێکی بەرز پێشکەش بکات.
بە درێسی یانە ئینگلیزییەکە لە 82 یریدا تەنیا 12 گۆڵی کردووە و خاوەنی 2 ئەسیستیشە. ئەمە لە کاتێکدایە بە درێسی دۆرتموند لە 137 یاریدا 50 گۆڵی کردووە و 64 گۆڵیشی درووستکردووە.
