اریگا
بە کردنی دوو گۆڵی نوێ، هاری کەین ژمارە پێوانەییەکی مێژوویی بۆبی چاڕڵتنی شکاند.
شەوی رابردوو لە یارییەکانی پاڵاوتنەکانی جامی نەتەوەکانی ئەوروپا، هەڵبژاردەی ئینگڵتەڕا لە یاریگای وێمبڵی میوانداری هەڵبژاردەی ئیتاڵیای کرد. یارییەکە بە ئەنجامی سێ گۆڵ بەرامبەر بە گۆڵێک لە بەرژەوەندی ئینگڵتەڕا کۆتایی هات.
هاری کەینی هێرشبەری هەڵبژاردەی ئینگڵتەڕا توانی لە یارییەکەدا دوو گۆڵ بکات. بەم دوو گۆڵەش ریکۆردێکی مێژوویی بۆبی چاڕڵتنی شکاند، بوو بە یەکەم یاریزانی ئینگڵتەڕا لە یاریگای وێمبڵی 24 گۆڵ بکات، کە بۆبی خاوەنی 23 گۆڵە لەو یاریگایەدا.
Harry Kane on overtaking Bobby Charlton’s Wembley goalscoring record after scoring twice against Italy 🗣️
Kane has scored 24 England goals at Wembley while Charlton scored 23 🔃pic.twitter.com/FQzp90j7jJ
— Sky Sports Football (@SkyFootball) October 18, 2023
یاریگای وێمبڵی دەکەوێتە شاری لەندەن، بە یەکێک لە باشترین یاریگاکانی جیهان دادەنرێت، لە ساڵی 2007 لە شوێنی وێمبڵی کۆن نۆژەنکرایەوە.
یاریگاکە 90 هەزار هاندەر لەخۆدەگرێت، میوانداری یارییەکانی هەڵبژاردەی ئینگڵتەڕا و یاری کۆتایی جامی یەکێتی ئینگڵتەڕا دەکات.
هاوکات هاری کەین بە درێسی هەڵبژاردەی ئینگڵتەڕا، لە 87 یاریدا بەشداربووە لە کردنی 80 گۆڵ، 61 گۆڵی کردووە و 19 گۆڵیشی درووستکردووە، گۆڵکاری مێژوویی هەڵبژاردەکەیەتی.
ریزبەندی گۆڵکارانی مێژووی هەڵبژاردەی ئینگڵتەڕا
1 – هاری کەین، 87 یاری – 61 گۆڵ
2 – واین روونی، 120 یاری – 53 گۆڵ
3- بۆبی چاڕڵتن 106 یاری – 49 گۆڵ
4 – گاری لینکەر 80 یاری – 48 گۆڵ
