یاریگا –
وەزیری ناوخۆی فەرەنسا، کەریم بێنزێما بە بوونی پەیوەندی لەگەڵ رێکخراوی ئیخوان موسلمین تۆمەتبار دەکات.
جێڕاڵد دارمیان، وەزیری ناوخۆی فەرەنسا لە چاوپێکەوتنێکی تەلەڤزیۆنیدا، باس لە بوونی پەیوەندی نێوان ئەستێرەی یانەی ئیتیحاد و رێکخراوی ئیخوان موسلمین کرد، ئەو رێکخراوی ناوی لە لیستی تیرۆری فەرەنسا و چەندین وڵاتی دیکەدایە. جێڕاڵد بە کەناڵی CNewsی راگەیاند
زیاتر لە 1100 سەنتەر ئیسلامیمان داخستووە، بێنزێما پەیوەندی روون و ئاشکرای لەگەڵ ئیخوان موسلمین هەیە، کە کەشێکی جیهادی دروست دەکات. ئێمە رووبەڕووی بیری توندڕەوی دەبینەوە و ئیخوانەکان کەشی جیهادی دروست دەکەن.
🤔 ¿Quiénes son los Hermanos Musulmanes, la organización islámica con la que vinculan a Benzema? https://t.co/WgHCFrYIkv
— MARCA (@marca) October 18, 2023
هەرچەندە وەزیری ناوخۆی فەرەنسا هیچ بەڵگەیەکی لەسەر بوونی پەیوەندی نێوان بێنزێما و رێکخراوەکە بڵاونەکردەوە، بەڵام قسەکانی کاردانەوەی گەورەی بە دوای خۆیدا هێناوە.
لە چەند رۆژی رابردوودا، کەریم بێنزێما لەڕێگەی پلاتفۆرمەکانی سۆشیال میدیا، پاڵپشتی خۆی بۆ دانیشتوانی غەزە دەربڕی و بەشێکیان قسەکانیدا وەزیری ناوخۆی فەرەنسا بۆ قسەکانی کەریم دەگەڕێننەوە.
Toutes nos prières pour les habitants de Gaza victimes une fois de plus de ces bombardements injustes qui n’épargnent ni femmes ni enfants.
— Karim Benzema (@Benzema) October 15, 2023
ئیخوان موسلمین کێیە؟
ئیخوان موسلمین رێکخراوێکە ئیسلامییە لە ساڵی 1928 لە ناوچەی ئیسماعیلییەی میسڕ لەسەر دەستی حەسەن بەنا دامەزراوە.
ئیخوان موسلمین یەکێکە لە گەورەترین و کۆنترین رێکخراوە ئیسلامییەکان لە جیهانی عەرەبی، کاریگەریان لەسەر چەندین وڵاتی عەرەبی دروستکردووە. بەهۆی چەند کردەوەیەک، خراوەتە لیستی تیرۆری چەند وڵاتێکی جیهانییەوە.
