بەرگریکارێکی ریال مەدرید بانگهێشتی دادگا دەکرێت

یاریگا –

ئیدێر میلیتاو، بەرگریکاری یانەی ریال مەردید هاوشێوەی ڤینیسیۆس دەبێت بچێتە دادگای ڤالێنسیا بۆ ئەوەی شایەتحاڵی لەسەر رووداوەکانی یارییەکەی وەرزی رابردووی نێوان ڤالێنسیا و ریال مەدرید لە مێستایا روویاندا بدات.

سەرۆکی دادگای ژمارە 10ی ڤالێنسیا بانگهێشتی ئیدەر میلیتاو بەرگریکاری بەڕازیلی یانەی ریال مەدرید دەکات تاوەکوو 21ی ئەم مانگە کاتژمێر 12:30 خولەکی پاشنیوەڕۆ وەک شایەتحاڵێک سەبارەت بە سوکایەتی کردنی رەگەزپەرەستانە بەرامبەر ڤینیسیۆس جونیۆری هاوڕێی لە دادگا ئامادە ببێیت.

دادوەری دۆسیەکە لەسەر داوای لالیگا ئەم بڕیارەی داوە کە وەک داواکارێکی تایبەت لەم دۆسیەیەدا ئامادەیە و نامەیەکی بۆ دادگا ناردووە کە تێیدا روونی دەکاتەوە کە ئێدەر میلیتاو هەروەها بووەتە ئامانجی سووکایەتیکردن و دەربڕینی وشەی رگەزپەرستانە لە مێستایا.

12 رۆژ لەمەوبەر ڤینیسیۆس لە رێگەی ڤیدیۆ کۆنفرانسەوە پەیوەندی لەگەڵ دادگای ڤالێنسیا کرد و ئیفادەی دژی هاندەرانی ڤالێنسیا دا. لێدوانەکانی کاردانەوەی نەرێنی زۆری لە ڤالێنسیا هەبوو، بەو پێیەی ئەستێرە بەرازیلییەکە بانگەشەی ئەوەی کردووە کە هەموو یاریگاکە دروشمی رەگەزپەرستانەیان لە دژی دەوتەوە.

دوای ئەو یارییە سێ لە هاندەرانی ڤالێنسیا دەستگیرکران و لێپرسینەوەیان لەگەڵدا کرا. تەمەنیان لە نێوان 18 بۆ 21 ساڵدایە و لە ئێستادا تۆمەتبارن بە بڵاوکردنەوەی رق و کینە و رەگەز پەرستی،و بۆ هەمیشە چوونە ناو یاریگایان لێ قەدەخە کراوە.