ئارسیناڵ پلان بۆ گواستنەوەی واتکینس دادەنێت
یاریگا –
یانەی ئارسیناڵ پلانی بۆ گواستنەوەی ئۆلی واتکینسی ئەستێرەی یانەی ئاستۆن ڤێلا داڕشتووە.
پێگەی ئیندیپێندێت بڵاویکردووەتەوە، بۆ گواستنەوەی ئۆلی واتکینس، یانەی ئارسیناڵ ئامادەکاری کردووە لە مێرکاتۆی زستانە گرێبەستێکی فەرمی پێشکەش بە یانەی ئاستۆن ڤێلا بکات.
ئەمە لە کاتێکدایە هێرشبەرەکەی هەڵبژاردەی ئینگڵتەڕا دوو هەفتە لەمەوبەر گرێبەستەکەی لەگەڵ یانەکەی تا هاوینی 2028 نوێکردەوە. دڵخۆشی خۆشی بە مانەوەی لە یانەکەی دووپاتکردەوە.
Our striker, signed and sealed. 😍
Congratulations, Ollie! 👏 pic.twitter.com/5lr6TZLCsG
— Aston Villa (@AVFCOfficial) October 6, 2023
بەڵام میکیل ئارتێتای راهێنەری ئارسیناڵ بە درێژایی ئەمساڵ لەگەڵ یاریزانەکە لە پەیوەندیدابووە، هەموو هەوڵەکانی خستووەتە گەڕ تا ناوبراو بەرەو گەنەرز پەلکێش بکات.
یانە لەندەنییەکە بەدەست کەمی رێژەی گۆڵی هێرشبەرەکانی دەناڵێنێت، گابڕیڵ خێسوس و ئێنکێتیا بەیەکەوە لەم وەرزەی پرێمەرلیگ تەنیا 3 گۆڵیان بۆ تیپەکە کردووە.
لەلایەکی دیکە هێرشبەرە بەڕازیلییەکە بەردەوام بەهۆی کێشەی زۆری پێکان دەناڵێنێت، بەشێکی زۆری یارییەکانی یانەکەی بەو هۆکارە لەدەستداوە.
واتکینس لە هاوینی 2020، بە بڕی 34 ملیۆن یۆرۆ لە برێنتفۆردەوە گواسترایەوە بۆ ئاستۆن ڤێلا، لەم وەرزە لە 13 یاری 7 گۆڵی بۆ یانەکەی کردووە و 4 گۆڵیشی درووستکردووە.
🚨 Arsenal are interested in signing Aston Villa striker Ollie Watkins in January.
(Source: Fichajes) pic.twitter.com/rIV70vPKqu
— Transfer News Live (@DeadlineDayLive) October 16, 2023
