یاریگا –
جود بێڵینگهام لەوەتەی پەیوەندی بە ریال مەدریدەوە کردووە، خۆی وەک یەکێک لە باشترینەکانی لالیگای ئەم وەرزە پیشان داوە.
یاریزانی نێودەوڵەتی تەمەن 20 ساڵان لە هاوینی رابردوودا، بە بڕی 103 ملیۆن یۆرۆ لە بۆڕووسیا دۆرتموندەوە پەیوەندی بە ریال مەدرید کرد، بەهۆی ئاستە بەرزەکەی، سەرنجی هەمووانی راکێشاوە.
ئاست بەرزی بێڵینگهام تەنیا باسی نێو هاندەران و هەوادارانی وەرزشی نییە، بەڵکو یاریزانانیش لە نێو خۆیاندا باسی ئاست بەرزی بێڵینگهام دەکەن.
رۆژنامەی ئاس لێدوانێکی ئاندرێیاس کریستێنسن، بەرگریکاری بارسێلۆنای بۆ کەناڵی TV2SPORTی بڵاوکردووەتەوە
شتێکی بێزارکەرە کاتێک ئەنجامەکان دەبینیت، لە چەند یاری رابردوودا، بێڵینگهام بەردەوام گۆڵی کردووە، نازانم چەند گۆڵی لە چەند یاریدا کردووە، بەڵام لالیگا داگیرکردووە، ریال مەدرید گرێبەستی لەگەڵ یاریزانێکی زۆر باشدا کردووە.
بێڵینگهام لە 10 یاریدا 10 گۆڵی بۆ ریال مەدرید کردووە، ئەمەش ژمارەیەکی زۆر باشە بەراورد بە ژمارەی ئەفسانەکانی دیکەی یانەکە.
