یاریگا –
جود بێڵینگهام، ئەستێرەی هەڵبژاردەی ئینگلتەرا و یانەی ریال مەدریدی ئیسپانی دەیەوێت ئالێكساندەر ئارنۆڵدی هاونیشتیمانی رازی بكات پەیوەندی بە یانە شاهانەكەوە بكات.
لە گواستنەوەكانی هاوینەدا جود بێڵینگهام لە بۆرووسیا دۆرتمۆندەوە بە بەهای 103 ملیۆن یۆرۆ پەیوەندی بە ریال مەدریدەوە كرد.
بەپێی زانیارییەكانی تۆڕی دێڤێنسا سێنترال بێڵینگهام داوا لە ئالێكساندەر ئارنۆڵد دەكات كە لە گواستنەوەكانی هاوینی داهاتوودا پەیوەندی بە ریال مەدریدەوە بكات.
ئاماژە بەوەشكراوە، ئەستێرەكەی مەدرید هەوڵ دەدات ئارنۆڵد رازی بكات ئانفیڵد جێبهێڵێت و تەحەدایەكی نوێ لە خولی ئیسپانی تاقی بكاتەوە.
گرێبەستەكەی ئالێكساندەر ئارنۆڵد لەگەڵ رێدز لە هاوینی ساڵی 2025 بەسەردەچێت.
لەم وەرزەدا ریال مەدرید بەهۆی پێكان و ناجێگیری ئاستی یاریزانەكانیەوە لە بەرگری باڵی راست دەناڵێنێت.
لەم وەرزەی لالیگادا لە كۆی بەشداریكردنی لە هەشت یاری جود توانیویەتی هەشت گۆڵ بكات و دوو گۆڵیش درووست بكات.
