یاریگا –
رافینیا، ئەستێرەی بەڕازیلی یانەی بارسێلۆنای ئیسپانی باشترین لە نێوان لیۆنێل مێسی كریستیانۆ رۆناڵدۆ دەستنیشان دەكات و باسی ئەگەری بەشداریكردنیشی لە یاری كلاسیكۆ دەكات.
لە یاری یانەكەی بەرامبەر سێڤییا لە خولی ئیسپانیا رافینیا بەهۆی پێكانەوە و لە خولەكی 37 یاریگای جێهێشت.
پڕۆسەی چاكبوونەوەی یاریزانەكە بە باشی بەڕێوە دەچێت و ئامانجی ئەوەیە بتوانێت لە كلاسیكۆ بەشداری بكات.
👀𝗥𝗮𝗽𝗵𝗶𝗻𝗵𝗮 𝗿𝗲𝘀𝗽𝗼𝗻𝗱𝗲 𝗮 𝗦𝗣𝗢𝗥𝗧 𝗹𝗮 𝗶𝗰𝗼́𝗻𝗶𝗰𝗮 𝗽𝗿𝗲𝗴𝘂𝗻𝘁𝗮
🐐“Messi o Ronaldo? Messi”
🗣️Y se pronuncia sobre su posible reaparición ante el Madrid:
⚔️“¿El Clásico? No lo sé aún. Yo quiero estar”
📹@DBR8 pic.twitter.com/dGcFqMGtBp
— Diario SPORT (@sport) October 13, 2023
لە لێدوانێكیدا كە رۆژنامەی سپۆرت بڵاویكردووەتەوە رافینیا ووتی: نازانم كە دەتوانم لە كلاسیكۆ بەشداری بكەم یان نا، بەڵام دەمەوێت كە لەوێ بم و ئامادە بم.
بەهۆی پێكانەوە رافینیا نەیتوانی لە یاری یانەكەی بەرامبەر پۆرتۆ بەشداری بكات و هەروەها ئامادە نەبوونی لە دوو یاری بەرامبەر ئاتلێتیك بلباو و شاختار یەكلایی كراوەتەوە.
لە وەڵامی ئەو پرسیارەی كە ئایا مێسی باشترە یان رۆناڵدۆ ئەستێرەكەی هەڵبژاردەی سامبا ووتی: مێسی.
وا بڕیارە بەرواری 28ی ئەم مانگە بارسێلۆنا لە یاریگای خۆیدا میوانداری ریال مەدرید بكات، لە میانی یارییەكانی هەفتەی 11ی خولی ئیسپانیا.
