هۆکاری دواکەوتنی نوێکردنەوەی گرێبەستی ڤینیسیوس ئاشکرادەبێت

یاریگا- ڤینیسیوس جونیۆرز و ریاڵ مەدرید بە تەواوی گەیشتوونەتە رێککەوتن بۆ تازەکردنەوەی گرێبەستی نێوانیان بەڵام وادەی راگەیاندنی دواکەوتووە.

بەگوێرەی ماڵپەڕی گۆڵ، وابڕیار بووە بەر لە پشووی یارییە نێودەوڵەتییەکان ریاڵ مەدرید بە راگەیاندنێکی گەورە درێژکردنەوەی گرێبەستی ڤینیسیوس رابگەیەنێت بەڵام فلۆرەنتینۆ پێرێزی سەرۆک تووشی ڤایرۆسی کۆرۆنا بووە  و بەو هۆیەوە بڕیاردراوە راگەیاندنەکە دوابخرێت. سەرجەم کارە فەرمییەکان تەواوبووە  وئەوەی ماوە تەنها بڵاوکردنەوەی هەواڵەکەیە.

فابریزیۆ رۆمانۆی رۆژنامەنووسی بازاڕی گواستنەوە دەڵێت، گرێبەستە تازەکەی ڤینی بۆ ماوەیەکی دوورودرێژە و سزای هەڵوەشاندنەوەشی یەک ملیار یۆرۆ دەبێت.

ڤینیسیوس لە 2017دا گەیشتە مەدرید و کەمتر لە یەک ساڵ ماوە بەسەر بەسەرچوونی گرێبەستەکەی ئێستای یانەکە