یاریگا –
لیژنەی سزا و ئەخلاقی فیدراسیۆنی تۆپی پێی سعودییە سزای سوڵتان غەنام بەرگریكاری نەسری سعودی دەدات دوای كرانە دەرەوەی لە یارییەكەیان بەرامبەر ئەبها.
رۆژی هەینی رابردوو نەسر لە یاریگای خۆیدا میوانداری ئەبهای كرد و یارییەكەش بەئەنجامی دوو گۆڵ بۆ هەردوولا كۆتایی هات، لە میانی یارییەكانی هەفتەی نۆیەمی خولی رۆشنی سعودی.
لیژنەكە بڕیاریدا سوڵتان غەنام بۆ چوار یاری داهاتوو سڕ بكات و هەروەها بە بەهای 40 هەزار ریال سزای دارایی درا.
لە راپۆرتەكەی لیژنەكەدا ئاماژە بەوە كراوە، بڕیاری سڕ كردنی سوڵتان غەنام بۆ چوار یاری و سزای لە رووی داراییەوە دراوە، بەهۆی ئەو قسانەی بەرامبەر یاریدەدەری ناوبژیوان كردوویەتی، ناوبژیوانی یاریگا لە راپۆرتەكەیدا كە پێشكەشی لیژنەكەی كردووە ئاماژەی پێ داوە.
#عاجل | لجنة الانضباط والأخلاق توقف سلطان الغنام لاعب #النصر 4 مباريات بما في ذلك مباراة الإيقاف التلقائي وتغرمه 40 ألف ريال بداعي صدور ألفاظ بذيئه منه تجاه مساعد الحكم#النصر_أبها
— الرياضية – عاجل (@ariyadhiah_br) October 9, 2023
راگیرانی سوڵتان غەنام بۆ چوار یاری گورزێكی كوشندە دەبێت بۆ لویس كاسترۆی راهێنەر.
ئەو یارییانەی سوڵتان غەنام ناتوانێت تێیدا بەشداری بكات:
سوڵتان غەنام ناتوانێت بەرامبەر یانەكانی زەمەك، فەیحا، ئیتیفاق و خلیج یاری بكات.
