مێسی تاوەکو کۆتایی 2023 چەند یاریی دیکە دەکات؟
یاریگا
دوای ئەوەی ئینتەر مەیامی نەیتوانی بلیتی قۆناغی پاڵاوتنەکانی خولی ئەمریکا بەدەست بێنێت، لیۆنێل مێسی تا کۆتایی ساڵی 2023 تەنها بەشداری 6 یاریی دیکە دەکات. 4 یاریی بۆ هەڵبژاردەی ئارجێنتینا و 2 یاریش بۆ یانەکەی دەبێت.
لیۆ دوای ئەوەی بەهۆی پێکان ماوەیەک لە یاریگاکان دابڕا، لە یاریی یانەکەی بەرامبەر سینسیناتی گەڕایەوە بەڵام نەیتوانی ڕێگری لە شکستەکەی بەرامبەر ئەو یانەیە بکات بە گۆڵێکی بێ وەڵام دۆڕان. ئەو دۆڕانەش وایکرد مەیامی هیچ هیوایەکی بۆ گەیشتن بە قۆناغی پاڵاوتنەکان نەمێنێت.
بەم شێوەیە ئەرکەکانی ئینتەر مەیامی لە خولی ئەمریکا کۆتایی هات، یاریزانانی ئەو یانەیە و لیۆنێل مێسی بۆ چەند هەفتەیەک لە یاریگاکان دووردەکەونەوە تا دەستپێکی وەرزی نوێ. هەروەها ئەو دەنگۆیانەش هەر زوو رەتکرانەوە کە باس لە چوونی مێسی بۆ بارسێلۆنا بە شێوەیەکی کاتی دەکران.
لە ئێستاوە تا کۆتایی ساڵی 2023 مێسی تەنها دەرفەتی بەشداریکردنی لە 6 یاریی دەبێت. دوو یاری لەگەڵ هەڵبژاردەی ئەرجەنتین بەرامبەر پاراگوای و پیرۆ لە پاڵاوتنەکانی مۆندیالی 2026 و دوو یاری بەرامبەر چارلۆت و لە کۆتاییدا دوو یاری بۆ ئەرجەنتین بەرامبەر ئۆرۆگوای و بەرازیل.
