یاریگا
جود بێلینگهام یاریزانی ئینگلیزی یانەی ڕیال مەدریدی ئیسپانیا وەکو باشترین یاریزانی ئەو یانەیە بۆ مانگی ڕابردوو دەست نیشانکرا.
ماڵپەڕی فەرمی یانەی ریال مەدریدی ئیسپانیا ناوی براوەی خەڵاتی باشترین یاریزانی مانگی ڕابردووی یانەکەی بڵاو کردەوە، جود بێلینگهام ئەستێرەی یانە شاهانەکە لەگەڵ چەندە هاوڕێیەکی ڕکابەری بۆ بەدەست هێنانی خەڵاتەکە دەکرد و دواجار یاریزانە لاوەکە توانی ئەو خەڵاتە بۆ دووەمین مانگ لەسەر یەک بەدەست بێنێت.
یاریزانەکەی سێ شێرەکان لەوەتەی پەیوەندی بە ریال مەدرید کردووە لە نۆ یاری لەگەڵ ئەو یانەیە بەشداری کردووە لە شەش یاریدا وەکوو باشترین یاریزانی یارییەکە دیاریکراوە.
جود بێلینگهام لە کۆی ئەو 9 یارییەی لەگەڵ ڕیال مەدرید لە چامپیۆنزلیگ و لالیگا بەشداری کردەوە، خاوەنی هەشت گۆڵ و سێ ئەسیستە.
