ئەیسی میلان گرێبەستی ئۆلیڤیێ جیرو نوێدەکاتەوە
یاریگا –
یانەی ئەیسی میلانی ئیتاڵی دەیەوێت گرێبەستی ئۆلیڤیێ جیروی فەڕەنسی نوێبکاتەوە.
رۆژنامەی لاگازێتا دیلۆ سپۆرت بڵاویکردووەتەوە، ئەیسی میلان ئارەزوو دەکات گرێبەستی ئۆلیڤیێ جیروی فەڕەنسی و هێرشبەری تیپەکەی تا هاوینی ساڵی 2025 نوێبکاتەوە.
رۆژنامە ئیتاڵییەکە ئاماژەی بەوەیشکردووە، میلان زۆر ئاسودەیە لەگەڵ جیروی تەمەن 37 ساڵاندا، یاریزانەکە زۆر بە گرنگ دەزانن بۆ یانەکەیان، نایانەوێت دەستبەرداری ببن.
📰 #Gazzetta: #ACMilan intends to offer Olivier #Giroud a one-year contract extension. The player has been a valuable asset for the club and they would like to have him until 2025. Another striker is also expected to join the team. pic.twitter.com/Qew7vY5C0K
— Milan Posts (@MilanPosts) October 6, 2023
هەر بەپێی هەمان سەرچاوە، لەگەڵ هێشتنەوەی گۆڵکارە فەڕەنسییەکە، میلان بۆ بەهێزکردنی هێڵی پێشەوەی، لە هاوینی داهاتوو هێرشبەرێکی دیکەیش دەگوازێتەوە.
جیرو لە هاوینی 2021 بە بڕی 2.85 ملیۆن یۆرۆ لە چێڵسیەوە گواسترایەوە بۆ میلان، بە درێسی یانە ئیتاڵییەکە لە سەرجەم پاڵەوانێتییەکاندا 93 یاری کردووە، 36 گۆڵی کردووە و 14 گۆڵیشی درووستکردووە.
جیا لەوەیش توانی لە وەرزی 21/22 نازناوی سێریا ئەی لەگەڵ میلاندا بەدەستبهێنێت.
