یاریگا –
چەند راپۆرتێکی رۆژنامەوانی باس لە ئەگەری دووبارەکردنەوەی یاری نێوان تۆتنهام و لیڤەرپوول دەکەن.
دوای بڵاوکردنەوەی تۆماری دەنگی ژووری ڤاری یارییەکە، کە دانیان بە دروستی گۆڵەکەی لویز دیاز نا، ئێستا زۆر باس لە دووبارەی کردنەوەی یارییەکە دەکرێت.
A Premier League rule could mean an extraordinary #Replay of #Tottenham vs #Liverpool game – all to decide a #ChampionsLeague spot! #EPL #PL #Footballhttps://t.co/Vc8Zd8Xnbn
— English Premier League Briefly (@EnglishPre_b) October 4, 2023
ستیڤ تایلەر، پارێزەرێکی بەناوبانگی کەیسەکانی وەرزشییە لە پرێمەرلیگ، بە رۆژنامەی میرەری راگەیاندووە
لە یاسای L18ی پرێمەرلیگدا هاتووە، ئەنجوومەنی کارگێڕی خولی نایابی ئینگلیزی دەتوانێت داوای دووبارەکردنەوەی یارییەکی پرێمەرلیگ بکات، بە ومەرجەی لەسەر راسپاردەی لیژنەی دیاریکراو بێت. بە گوێرەی یاسای W1، ئەنجوومەنی کارگێڕی دەسەڵاتی لێکۆڵینەوەی لە تەواوی وردەکارییەکان هەیە، تەنانەت لەو هەڵانەی کە ناوبژیوانیش دەیکات. بۆیە رەنگە لیڤەرپوول بتوانێت لەڕێگەی فشار خستنە سەر ئەنجوومەنی کارگێڕی خولی نایابی ئینگلیزی، بڕیارێک بۆ دووبارەکردنەوەی یارییەکە بدرێت.
یەکێتیی ناوبژیوانانی پیشەگەری ئینگلتەرا، لە بەیاننامەکەیدا روونیکردەوە؛ هەڵە لێک تێگەیشتنێک هەبووە و بەپێی یاسا دواتر بۆیان نەبووە یارییەکە رابگرن.
