یاریگا –
یانەی تۆتنهامی ئینگلیزی دڵتەنگی خۆی دەربڕی بەو وشە رەگەزپەرستیانەی كە لە دوای یارییەكەیان بەرامبەر لیڤەرپوول رووبەرووی ئینیۆما یودۆگی بوویەوە.
رۆژی شەممەی رابردوو تۆتنهام لە یاریگای خۆیدا میوانداری لیڤەرپوولی كرد و یارییەكەشی بە ئەنجامی دوو گۆڵ بەرامبەر گۆڵێك لێ بردەوە، لە میانی یارییەكانی هەفتەی حەوتەمی خولی ئینگلیزیدا.
لە خولەكی 70 یودۆگی بوویە هۆی كرانە دەدەوەی دیێگۆ جۆتا یاریزانی لیڤەرپوول و دواتر یاریزانەكە رووبەرووی وشەی رەگەزپەرستی بوویەوە لە تۆڕە كۆمەڵایەتیەكانەوە.
بۆ ئەو مەبەستەش تۆتنهام بەیاننامەیەكی فەرمی بڵاوكردەوە و تێیدا هاتووە:
ئێمە بێزارین لەو پەیامە رەگەزپەرستیانەی ئاڕاستەی دیستێنی یودۆگی لە تۆڕە كۆمەڵایەتیەكاندا دەكرێت لە دوای یارییەكەی شەممە بەرامبەر لیڤەرپوول.
لەگەڵ پرێمەرلیگ كاردەكەین تا ئەو شوێنەی بتوانین، رێوشوێن دەگرینە بەر بەرامبەر هەر تاكێك كە ناسنامەكەی دیاری بكرێت، ئێمە لەگەڵ تۆ وەستاوین دیستێنی.
We are disgusted at the racist messages directed towards Destiny Udogie on social media following Saturday’s game against Liverpool.
We will work with the Premier League and, where possible, take action against any individual we are able to identify.
We stand with you… pic.twitter.com/aJxcnelfZX
— Tottenham Hotspur (@SpursOfficial) October 2, 2023
لیڤەرپوولیش لای خۆیەوە وەڵامی بەیاننامەكەی تۆتنهامیان داوەتەوە و نووسیویانە:
لیڤەرپوول ئیدانەی هەموو جۆرەكانی رەگەزپەرستی دەكات، لەگەڵ لایەنە پەیوەندیدارەكان و پلاتفۆرمی سۆشیال میدیا كاردەكەن، بۆ ناسینەوە و دەستنیشانكردنی ئەوانەی بەرپرسیارن و بەهێزترین دەرئەنجامەكانیش جێبەجێ بكەن.
Liverpool FC condemns all forms of racism and discrimination and will work with the relevant authorities and social media platforms to help identify those responsible and apply the strongest possible consequences. https://t.co/uuewntczSW
— Liverpool FC (@LFC) October 2, 2023
مانچێستەر سیتی لە پێشەنگی ریزبەندی خولی ئینگلیزی دێت بە كۆكردنەوەی 18 خاڵ و تۆتنهامیش لە پلەی دووەم دێت بە كۆكردنەوەی 17 خاڵ.
