یاریگا –
میخایلۆ مودریك، یاریزانی ئۆكراینی یانەی چێڵسی حەوتەم یاریزانی ئەو وڵاتەیە بتوانێت لە پرێمەرلیگ گۆڵ بكات.
شەوی رابردوو فولهام لە یاریگای خۆیدا میوانداری چێڵسی كرد و یارییەكەش بەئەنجامی دوو گۆڵی بێ وەڵام لە بەرژەوەندی یانەی میوان كۆتایی هات، لە میانی یارییەكانی هەفتەی حەوتەمی خولی ئینگلیزیدا.
گۆڵەكانی چێڵسی لەلایەن مودریك لە خولەكی 18 و بۆرخا لە خولەكی 19 تۆمار كران.
لە گواستنەوەكانی زستانەی رابردوودا مودریك پەیوەندی بە ریزەكانی چێڵسیەوە كرد بەڵام نەیتوانیوە گۆڵ بۆ ئەو یانەیە بكات و گۆڵەكەی شەوی رابردووی یەكەم گۆڵی بوو لە پرێمەرلیگ.
بە كردنی ئەو گۆڵە مودریك بوو بە حەوتەم یاریزانی ئۆكراینی بتوانێت گۆڵ لە پرێمەرلیگ بكات لە دوای هەریەك لە ( سێرهی ریبرۆڤ، ئاندرێ شێڤچێنكۆی، ئاندرێ یارمۆلینكۆ، ئاندرێ ڤۆرۆنین، ڤیتالی میكولینكۆ و ئۆلیكساندەر زینچینكۆ )
Only seven Ukrainian players have scored a Premier League goal:
◎ Serhiy Rebrov
◎ Andriy Shevchenko
◎ Andriy Yarmolenko
◎ Andrey Voronin
◎ Vitaliy Mykolenko
◎ Oleksandr Zinchenko
◉ Mykhailo MudrykFinally off the mark. 🦋 pic.twitter.com/k2i6dctpLA
— Squawka (@Squawka) October 2, 2023
چێڵسی بە كۆكردنەوەی هەشت خاڵ لە ریزبەندی یانزەیەمی خولی ئینگلیزیدا دێت.
