ریال مەدرید چاودێری ئێمباپێ و دوو یاریزانی نیوکاسڵ دەکات
یەکەم هەنگاوی فەرمی ریال مەدرید بۆ گواستنەوەی ئێمباپێ
یاریگا –
یانەی ریال مەدرید لە نزیکەوە چاودێری کیلیان ئێمباپێ و دوو یاریزانی یانەی نیوکاسڵ یونایتد دەکات.
چوارشەممەی داهاتوو لە یارییەکانی قۆناخی کۆمەڵەکانی خولی یانە پاڵەوانەکانی ئەوروپا، نیوکاسڵ یونایتد لە یاریگای سانت جەیمس پارک، میوانداری پاریس سانجێرمان دەکات.
رۆژنامەی دەیلی میرەر بڵاویکردووەتەوە، ریال مەدرید بۆ ئەو یارییە جۆنی کالافاتی سەرۆکی یاریزان دۆزەرەوەکانی یانەکەی دەنێرێتە یاریگا، تا لە نزیکەوە چاودێری ئاستی سێ یاریزان بکات.
🚨 Real Madrid are interested in Newcastle stars Alexander Isak and Bruno Guimaraes, with the Liga giants set to send a scout to watch the duo in action in the Champions League.
(Source: Daily Mirror) pic.twitter.com/f7xNOECbsb
— Transfer News Live (@DeadlineDayLive) October 2, 2023
رۆژنامە بەریتانییەکە ئاماژەی بەوەیش کردووە، مێرێنگی لە نیوکاسڵ چاودێری ئاستی هەریەکە لە یاریزانان، ئەلیکساندەر ئیساکی سویدی و برونۆ گویمارێشی بەڕازیلی دەکات. لە پاریسیش چاودێری ئاستی کیلیان ئێمباپێی فەڕەنسی دەکات.
ئەمەیش لە کاتێکدایە ئەستێرە فەڕەنسییەکە لە هاوینی داهاتوو گرێبەستەکەی لەگەڵ سانجێرمان کۆتایی دێت. تا ئێستایش ئامادەنەبووە نوێی بکاتەوە.
هەروەها ئەمە یەکەم هەنگاوی فەرمی ریال مەدرید دەبێت بۆ گواستنەوەی ئەستێرە فەڕەنسییەکە، لەدوای تێکچوونی پەیوەندییەکانی لەگەڵ یانەکەیدا.
جیا لەوەیش هەردوو ئەستێرەکەی نیوکاسڵ تا هاوینی ساڵی 2028 گرێبەستیان لەگەڵ یانەکەیان نوێکردووەتەوە، بەڵام ریال مەدرید بە ئاستیان سەرسامە، دەیەوێت لە نزیکەوە لێیان بکۆێتەوە، دواتریش بڕیاری کۆتایین لەسەر بدات.
