لێساندرۆ مارتینێز نەشتەرگەری بۆ دەکرێت

یاریگا
لێساندرۆ مارتینێز بەرگریکاری هەڵبژاردەی ئارجێنتینا و یانەی مانچێستەر یونایتد بە هۆی ئەو پێکانەی بەم دوایە تووشی بووە پێویستی بە نەشتەرگەری هەیە.

ڕۆژنامەی دەیلی مەیلی بەریتانی بڵاویکردەوە بەرگریکارەکەی یانەی مانچێستەر یونایتد بە هۆی ئەو پێکانەی تووشی بووە، ناچارە نەشتەرگەری بۆ بکرێت و بەم شێوەیە ئەو یاریزانە بۆ ماوەی نزیکەی سێ مانگی داهاتوو لە یاریگاکان دادەبڕێت.

مارتینێز وەرزی ڕابردووش تووشی هەمان پێکان بوو و هەر بەم هۆیەوە نەیتوانی بەشداری 11 یاریی یانەکەی بکات.

دواجار ئەو یاریزانە باڵە ئارجێنتیناییە بڕیاریدا کە نەشتەرگەری بۆ بگرێت بۆ ئەوەی بە تەواوەتی لەم پێکانەی ڕزگاری بێت.