یاریگا
ناوبژیوانی پێشووی لالیگای ئیسپانیا باس لە فشارە قورسەکانی ناوبژیوان بەرامبەر یانە گەورەکانی وڵاتەکەی کرد و بۆ سەلماندنی ئەو بابەتەش باسی لە حاڵەتێکی سەرنجڕاکێشی ناوبژیوانی یاریی ڕیال مەدرید کرد.
ئیسترادا فێرناندێز ناوبژیوانی پێشووی خولی ئیسپانیا نهێنیەکی گەورە سەبارەت بە پیشەکەی لەو یارییانەی بۆ ریال مەدرید و بارسێلۆنا فیکەی لێداوە، لە بەرنامەیەک لەگەڵ ElDesmarque Mediodía ئاشکرای دەکات.
ناوبژیوانە ئیسپانیەکە لەمبارەیەوە گوتی
ناوبژیوانان لە یارییە گەورەکان و بۆ تیپە بەناوبانگەکان بەتەواوی لەژێر فشاردان و دۆخەکەشیان کاریگەری لەسەر ئەم بابەتە دەبێت. ناوبژیوانی تیپە گەورەکانی وەک بارسا، ڕیاڵ یان ئەتلەتیکۆ مەدرید وەک یارییەکانی تر نییە. ئەگەر هەڵەیەک بکەیت لیژنەی ناوبژیوانان سزات دەدات، هاوشێوەی ئەوەی لەم دواییانەدا بەسەر مۆنۆێرا مۆنتیرۆدا هات
فێرناندێز لە درێژەی قسەکانیدا وتی
بە یەک هەڵە، ئیتر ناوبژیوانی یارییە گەورەکان ناکەیتەوە. نموونەیەکم هەیە لە ساڵی 2009 کە کریستیانۆ ڕۆناڵدۆم بە کارتی سوور دەرکرد و لەو وەرزەدا جارێکی تر ناوبژیوانیەتی یارییەکانی ڕیاڵم نەکردەوە. هەمووتان دەزانن کە کاریگەری میدیایی هەیە و دەبێت زۆر وریا بن لە بڕیاردان لە کاتی یارییەکان
