یاریگا –
ئانتۆنی، یاریزانی مانچێستەر یونایتد گەڕایەوە مەشق و راهێنانەکانی یانەکەی.
یاریزانەکە لە مانگی حوزەیران، بە تۆمەتی دەستدرێژیکردن بۆسەر خۆشەویستەکەی، لە لیستی یاریزانانی هەڵبژاردەی بەرازیل و یانەی مانچێستەر یونایتد دوورخرایەوە.
کەمێک لەمەوبەر پێگەی فەرمی یانەی مانچێستەر یونایتد بەیاننامەیەکی بڵاوکردەوە، رایانگەیاند کە ئانتۆنی لەگەڵ تیپەکەیان دەست بە مەشق و راهێنانەکانی دەکاتەوە.
یانەکە ئاماژەی بەوەیشکردووە، هەردوو وڵاتی بەڕازیل و بەریتانیا، لەگەڵ یاریزانەکە بەردەوامن لە لێکۆڵینەوەکانی خۆیان.
ئانتۆنی دەستی بە مەشقەکانی کردووەتەوە و ئامادەیە بۆ یاریکردن، لە هەمان کاتدا لێکۆڵینەوەکان بەردەوامدەبن، یاریزانەکە لەژێر چاودێریدا دەهێڵدرێتەوە تا پێشهاتی زیاتر لە دۆسیەکەدا روودەدەن.
یانەکە لە کۆتایی بەیاننامەکە ئیدانەی هەر کارێکی توندوتیژی و دەستدرێژی دەکات، هەموو هەوڵێکی خۆیشیان دەخەنەگەڕ بۆ پارێزگاریکردن لەو کەسانەی دەستدرێژی دەکرێتە سەریان.
The club have provided an update on Antony.#MUFC
— Manchester United (@ManUtd) September 29, 2023
