فێرمین لۆپێز قوتابی زانکۆیە
یاریگا
فێرمین لۆپێز هێرشبەری لاوی یانەی بارسێلۆنای ئیسپانیا قوتابی زانکۆیە و رۆژی دوای یارییەکەی بەرامبەر ریال مایۆرکا چووەتەوە بەر خوێندن لە زانکۆکەی.
لە یارییەکەی بەرامبەر ریال مایۆرکا لە گەڕی حەوتەمی لالیگا، فێرمین لۆپێز توانی یانەکەی لە شکست رزگار بکات و گۆڵی دووەمی یانەکەی لە یارییەکە کرد، ئەو یاریزانە پێشتر لە یاریی کلاسیکۆش بەرامبەر ریال مەدرید یەکێک لە گۆڵەکانی یانەکەی کردووە.
رۆژنامەی مۆندۆدێپۆرتیڤۆ ئاشکرای کردووە، یاریزانە لاوەکەی بارسا رۆژێک دوای یارییەکەی بەرامبەر مایۆرکا لە گەڕی هەشتەمی لالیگا، چووەتەوە زانکۆ و ئەرکەکانی خوێندی جێبەجێ کردووە.
مۆندۆ بڵاویشێ کردەوە ئەو یاریزانە گەنجە دوو ساڵ لەمەوبەر بڕیاریدا لە بواری لەشجوانی و پەروەردەی وەرزشی لە زانکۆ بخوێنێت و لەو کاتەوە جگە لە مەشق و ڕاهێنانەکانی لەگەڵ بارسێلۆنا، دەستی بە خوێندن کردووە و هەوڵدەدات بگاتە تیپی سەرەکی و تواناکانی خۆی لە بارسا نیشان بدات.
فێرمین لۆپێز هێرشبەری لاوی یانەی بارسێلۆنا، لە زانکۆی ڕامۆن لیڤڵ دەخوێنێت و هیوادارە بە زووترین کات بڕوانامەی زانکۆ بەدەستبهێنێت بۆ ئەوەی بتوانێت بە تەواوی کاتەکانی خۆی بۆ یانەکەی تەرخان بکات.
