یاریگا –
ئەفسانەی تۆپی پێی ئیتاڵی جۆرجۆ کیلینی، لە کاتی یاری تیپەکەی بەرامبەر تایگەرز هەڵوێستێکی دوور لە گیانی وەرزشی ئەنجامدا.
شەوی رابردوو یانەی لۆس ئەنجلۆس لە چوارچێوەی جامی کۆمپیۆن رووبەڕووی تایگەرز بوویەوە، ئەم یارییەش بە لێدانی سزا و بە ئەنجامی 2-4 لە بەرژەوەندی یانە مەکسیکیەکە کۆتایی هات.
شتێکی سەیر کە لەم یارییەدا روویدا، دەمەقاڵی وشەڕی کیلینی بوو لەگەڵ یاریزانی بەرامبەر، کە ڤیدیۆکەشی لە تۆڕە کۆمەڵایەتییەکان بڵاوکراوەتەوە و سەرنجی زۆری بۆ لای خۆی راکێشاوە.
Una clara muestra del carácter que la hace falta al futbolista mexicano. Tuvo que llegar Pizarro a rescatar a Córdova del desplante del viejito Chiellini. pic.twitter.com/4GMoks6EzC
— Enrique Beas (@EnriqueVonBeas) September 28, 2023
لەم ڤیدیۆیەدا دیارە ئەستێرەیەی پێشووی یوڤێنتۆس پاڵ بە یاریزانە بەرامبەرەکەوە دەنێت کە لە بەردەمی وەستاوە و رێگری لێدەکات لە لێدانی سزا. پاشان دەچێتە لای ناوبژیوان بۆ ئەوەی گلەیی بکات و دواتر تۆپەکە بە توندی ئاراستەی یاریزانی تایگەرز دەکات، ئەمەش کاردانەوەی یاریزانانی دیکە بەدوای خۆیدا دێنێت.
ناوبژیوان هیچ یەک لە یاریزانەکانی بە کارت سزا نەدا و بە هێمنی ویستی بارودۆخەکە ئارام بکاتەوە، هەرچەندە لەم یارییەدا کارتی سووری تری بە یاریزانی هەردوو تیپەکە دابوو.
