یاریگا –
ئەنتۆنی رودیگەری ئەڵمانی، بەشداری مەشقەکانی ئەمڕۆی ریال مەدریدی کردووە.
شەوی رابردوو ریال مەدرید لە یاریگای سانتیاگۆ بێرنابیۆ، میوانداری یانەی لاس پاڵماسی کرد، یارییەکەی بە ئەنجامی دوو گۆڵی بێبەرامبەر بردەوە و سێ خاڵی دیکەی گرنگی بەدەستهێنا.
بەڵام پێکانی یاریزانان خۆشی سەرکەوتنەکەی کەمکردەوە، کاتێک دەیڤد ئەلابا لە خولەکی 41 یارییەکە بەهۆی پێکان یاریگای جێهێشت.
هەروەها ئەنتۆنی رودیگەر لە دوا ساتەکانی یارییەکە هەستی بە ئازار دەکرد لە قاچیدا و دەشەلی، ئەمەش ترس و دڵەڕاوکێی لای مەدریدییەکان درووستکرد.
Tras la pruebas realizadas, lo de @ToniRuediger no es importante y se espera que pueda estar ante el @GironaFC
Mañana, Resonancia Magnética a @David_Alaba @deportescope @partidazocope @tjcope
— Melchor Ruiz (@MelchorRuizCope) September 28, 2023
بەڵام پێگەی کۆپێ بڵاویکردووەتەوە، ئەمڕۆ پشکنینی پزیشکی بۆ بەرگریکارە ئەڵمانییەکە کراوە، دەرکەوتووە پێکانەکەی سەخت نییە، تەنیا هەندێک ئازار لە ماسولکەی قاچیدا هەیە.
پێگەکە ئاماژەی بەوەیش کردووە، رودی بەبێ گرفت ئامادەیە بۆ رووبەڕووبوونەوەی جیرۆنا و بەشێوەیەکی ئاسایی بەشداری مەشقەکانی ئەمڕۆیشی کردووە.
هاوکات بەپێی هەمان سەرچاوە، سبەی پشکنینی پزیشکی جۆری MRI بۆ دەیڤد ئەلابا دەکرێت و ماوەی دوورکەوتنەوەی دیاری دەکرێت.
🚨🎖| David Alaba will undergo an MRI tomorrow. @AranchaMOBILE pic.twitter.com/8u3cc6leoT
— Madrid Xtra (@MadridXtra) September 28, 2023
